ەكى جاسار بالا مايمىلداردىڭ ءتىلىن تاۋىپ، دوس بولىپ العان - فوتو
ول مايمىلداردى تاماقتاندىرىپ، ولارمەن ءتۇرلى دىبىس جانە ىم- يشارانىڭ كومەگىمەن تىلدەسكەن. بۇل جانۋارلار كەيدە وزبىرلىق كورسەتۋى مۇمكىن بولعانىمەن، ولار ءبۇلدىرشىندى اينالشىقتاپ، دوستىق نيەت بىلدىرگەن، دەپ حابارلايدى Stan.kz.
سامارات ءالى سويلەي المايدى. ءبىراق ول مايمىلداردىڭ ءتىلىن تابا بىلگەن.
ءبۇلدىرشىننىڭ تۋىستارىنىڭ ايتۋىنشا، وعان جانۋارلار كۇندە بەلگىلى ءبىر ۋاقىتتا كەلەدى ەكەن. ءتىپتى سامارات ۇيىقتاپ جاتسا دا، مايمىلدار بالانى وياتىپ الىپ، 1-2 ساعات كولەمىندە وينايدى.
جەرگىلىكتى تۇرعىنداردىڭ سوزىنشە، سۇر لانگۋرلاردىڭ مۇنداي ارەكەتى ادامدى تاڭداندىرادى. سوندىقتان ءبۇلدىرشىن مەن مايمىلداردىڭ دوستىعى كوپشىلىكتى قايران قالدىرعان.
ەندىگى ادامدار زاماناۋي ماۋگليدى ءوز كوزىمەن كورۋ ءۇشىن، سامارات تۇراتىن اۋىلعا ارنايى كەلۋدە. ءبۇلدىرشىن مايمىلداردىڭ ءتىلىن تابا العاندىقتان، بارلىعى ونى ەرەكشە بالا سانايدى.
ءبىر قىزىعى، مايمىلدار باسقا بۇلدىرشىندەردى ءوز قاتارلارىنا قابىلدامايدى ەكەن. ولار جاقسىنداسا بولعانى، مايمىلدار بىردەن وزبىرلىق تانىتا باستايدى. ولار تەك ساماراتپەن دوس بولعىسى كەلەتىن ءتارىزدى.
