مەرەكە كۇندەرى قازاقستان پوليتسياسى كۇشەيتىلگەن رەجيمدە جۇمىس ىستەيدى

«15-18 -جەلتوقسان ارالىعىندا ق ر ءى ءى م كولىكتەگى ءى ءى د جەكە قۇرامى مەرەكە كۇندەرىندەگى قاۋىپسىزدىكتى قامتاماسىز ەتۋ ماقساتىندا كۇشەيتىلگەن جۇمىس رەجيمىندە جۇمىس ىستەيدى»، - دەپ جازىلعان ق ر ءى ءى م كولىكتەگى ىشكى ىستەر دەپارتامەنتىنىڭ حابارلاماسىندا.

اتالمىش ءىس-شاراعا ۆەدومستۆونىڭ بارلىق كۇش- قۇرالى جۇمىلدىرىلعان.

دەپارتامەنت باسشىسىنىڭ ورىنباسارى تالعات وتەتىلەۋوۆتىڭ ايتۋىنشا، مەرەكە كۇندەرى كولىكتەگى پوليتسەيلەر اۋە جانە تەمىر جول قىزمەتىن پايدالاناتىن جولاۋشىلاردىڭ قاۋىپسىزدىگىن قامتاماسىز ەتەدى. 800 دەي ءتارتىپ ساقشىسى اۋەجايلار مەن تەمىرجولدارداعى قوعامدىق تىنىشتىقتى كۇزەتەتىن بولادى. سونىمەن بىرگە، قىلمىستىڭ الدىن الۋ، ۇرلىق، الاياقتىق ىستەردىڭ ءىزىن سۋىتپاي اشۋ جۇمىستارى جەدەل جۇزەگە اسىرىلادى.

قوسىمشا جەدەل-تەرگەۋ توپتارى قىلمىس ورىن العان جەرلەرگە جىلدام جەتىپ، اتالعان جۇمىستارعا كينولوگيالىق ورتالىقتاردىڭ قىزمەتتىك يتتەرىن دە پايدالانادى.

وتەتىلەۋوۆتىڭ ايتۋىنشا، قازىر استانا-1 جانە استانا «نۇرلى جول» ۆوكزالدارىنىڭ ءىشى- سىرتىندا 600 دەن استام باقىلاۋ كامەراسى جۇمىس ىستەپ تۇر.