نۇرسۇلتان نازاربايەۆتىڭ قاناتتى سوزدەرى
مەن ءۇشىن ەلىمدى دامىعان ەلدەردىڭ ساپىنا تۇرعىزىپ، ساناتىنا قوسۋدان ۇلكەن ماقسات جوق.
***
ەلى مۇراتقا جەتپەي تۇرىپ، ەرى مۇراتقا جەتۋشى مە ەدى؟ سوندىقتان ەلدىكتىڭ قامىن ەڭ الدىمەن ويلاماي بولمايدى.
***
ەگەر ءبىز مەملەكەت بولىپ تۇرعىمىز كەلسە، ءوزىمىزدىڭ مەملەكەتتىگىمىزدى ۇزاق ۋاقىتقا مەڭزەپ قۇرعىمىز كەلسە، وندا حالىقتىڭ رۋحانياتىنىڭ باستاۋلارىن تۇسىنگەنىمىز ءجون.
***
وتانداستارىمنان بولەك ۋايىمىم دا جوق، ولاردان بولەك قايعىم دا جوق. نەنى دە بولسا ەلمەن بىرگە كورەمىن، ەلمەن بىرگە توزەمىن، ەلمەن بىرگە جەڭەمىن.
***
ادامعا قۇداي ءومىردى ءبىر- اق رەت بەرەدى. ونى شىمكەنتتە ءسۇرۋ كەرەك.
***
جەر جاقىندىعى تاعدىرىڭ مەن تاريحىڭدى جاقىنداستىرماي قويمايدى.
***
اۋىل - قازاقتىڭ التىن بەسىگى.
***
كوپتەگەن ەلدەردى ارالادىم. تابيعاتى عاجايىپ تالاي ولكەنىڭ سۇلۋلىعىنا كوز قۇمارىمدى سۋاردىم. ءبىراق ءبارى دە ءوزىم تۋىپ- وسكەن قازاعىمنىڭ جەرىنە، الاتاۋدىڭ ءبىر بوكتەرىنە جامباستاي جىعىلعان ءۇش قوڭىر توبەگە جەتپەدى. بالالىعىمنىڭ، ساعىنىشىمنىڭ التىن قازىعى سوندا ەكەن.. .
***
مەن ءوز حالقىمنىڭ جولىندا باسىمدى بايگەگە تىككەن اداممىن.
***
بابالارىن قالتقىسىز قاستەرلەي بىلگەن حالىق بالالارىنىڭ بولاشاعىن دا قاپىسىز قامداي الماق.
***
حالىقتىڭ سەنىمىن اقتاۋدان ارتىق ابىروي جوق، بولۋى دا مۇمكىن ەمەس.
***
قازاقتى قۇداي شىدامىنان اجىراتپاسىن.
***
ەلىمىزدىڭ باستى بايلىعى، ەڭ قاستەرلى قازىناسى جەردىڭ استىندا دا ەمەس، ۇستىندە دە ەمەس - ادامدارىمىزدىڭ جۇرەگىندە.
***
تاۋەلسىزدىك - تاريحتىڭ ماڭگىگە ءبولىپ بەرگەن ەنشىسى ەمەس، حالىقتاردىڭ مامىراجاي ءومىر سۇرۋىنە بەرىلگەن كەپىلدىك تە ەمەس: اڭعال بولماعانىمىز ابزال.
***
تاۋەلسىزدىكتىڭ قايتا ورالعانى - ءبىزدىڭ اتا- بابالارىمىزدىڭ سان عاسىرلىق ازاتتىق كۇرەسىنىڭ زاڭدى وتەۋى. جاراتقان يەنىڭ جاساعان ادىلدىگى. اتا- بابالارىمىزدىڭ وسىنشاما بايتاق جەردى اق نايزانىڭ ۇشىمەن، اق بىلەكتىڭ كۇشىمەن قورعاپ قالعانىنىڭ ارقاسى.
***
باسقاعا جالتاقتايتىن كۇننەن كەتتىك. بار بايلىعىمىزدى وزىمىزگە بۇيىراتىن ەتتىك. قوعامنىڭ ساياسي تۇراقتىلىعى مەن بىرلىگىنە جەتتىك. قىسقاسى، ەگەمەن ەل بولۋدىڭ ەڭ اۋىر بەلەسىنەن وتتىك.
***
قازاقستاننىڭ تاۋەلسىزدىگى بەيبىت جولمەن كەلدى. بۇل - ازاتتىق ءۇشىن الىسقان مىڭ- مىڭداعان ازاماتتاردىڭ قاسيەتتى قانىنىڭ وتەۋى. بۇل - بۇكىل تاريحىندا وزگەلەرگە قيانات جاساۋ دەگەندى بىلمەگەن حالىقتىڭ پەيىلىنىڭ قايتارىمى.
***
قانداستارىمىزعا قاراتىپ ايتار جايدىڭ تاعى ءبىرى - تاريحي وتانىنا ورالعان اعايىن، ەڭ الدىمەن، «قازاقستانىم ماعان نە بەرەدى؟ » دەپ ەمەس، «مەن قازاقستانىما نە بەرەمىن؟ » دەپ ويلانعانى دا دۇرىس بولار ەدى.
***
بۇگىنگى ءبىزدىڭ تاۋەلسىزدىگىمىزدىڭ قاينار كوزى - قازاق حالقىنىڭ سان عاسىرلار بويعى كۇرەسىندە، ازاتتىققا ۇمتىلعان قايسارلىعىندا جاتىر.
***
بويىندا قانى بار، نامىسى بار ءاربىر ازامات: «ەندى تاۋەلسىزدىكتى قالاي كەمەلدەندىرەمىز، ەلدىڭ كوسەگەسىن قايتسەك كوگەرتەمىز؟ !» دەپ وي- ساناسىن قامشىلاۋى كەرەك.
***
حالىق كەشپەيتىن ءبىر- اق نارسە بار: ەلدىڭ قولىنا زارىقتىرىپ كەلىپ قونعان باقىت قۇسىنان - تاۋەلسىزدىكتەن ايىرىلۋدى كەشپەيدى.
***
ماسەلە - قاي توپتىڭ جەڭەتىندىگىندە نەمەسە بيلىك باسىنا كىمنىڭ كەلەتىندىگىندە ەمەس، ماسەلە - تاۋەلسىزدىكتىڭ تاعدىرىندا.
***
سوعىس ەڭ باستى قۇندىلىقتى - ادامنىڭ ءومىرىن ۇزەدى. ال ومىردەن ارتىق ەشتەڭە جوق.
***
شىعىستىڭ ساياسي مۇددەلەرى كوبىنە- كوپ ءداستۇرشىل توپتاردىڭ قولداۋىنا ارقا سۇيەيدى.
***
ساياسي ەليتا جالپىۇلتتىق مۇددەلەردى ءبىلدىرۋ، ونى بارىنشا ءدال ساۋلەلەندىرۋ، ءسويتىپ حالىقتىڭ ءوزىن- ءوزى تانىپ، باعالاۋ دارەجەسىن كوتەرۋ قابىلەتىمەن ەمەس، سول مۇددەلەردى جۇزەگە اسىرۋدىڭ جولىن تابۋ قابىلەتىمەن دە دارالانىپ تۇرۋعا ءتيىس.
***
ەكونوميكادا ەرتەڭگى ءىستى بۇگىن اتقارىپ تاستاۋعا بولار، ءبىراق ساياساتتا ەرتەڭگى ءىستىڭ ەرتەڭ اتقارىلعانى ءجون.
***
ۇلتتىق يدەيانى ۇلتتىق استامشىلىق يدەياسىنا اينالدىرۋ ەشبىر ەتنوسقا دا وپا بەرگەن ەمەس.
***
كوپ ۇلتتىلىق - قوعامنىڭ كەمشىلىگى ەمەس، ارتىقشىلىعى.
***
ادام بالاسى قاي جەردە جۇرسە دە ومىرگە شىر ەتىپ ءتۇسىپ، انا ءالديىن ەستىگەننەن باستاپ، ءوزىن - قازاقپىن، ورىسپىن، ۋكراينمىن، وزبەكپىن دەپ سەزىنەدى. ادام بويىنداعى بۇل سەزىمدى قانداي اسا زور يدەولوگيالىق قارۋمەن اتقىلاساڭ دا، شاپقىلاساڭ دا قۇرتىپ جىبەرە المايسىڭ.
***
بۇكىل كەڭەستىك تاريح قولىندا حالىقتاردىڭ قۇقىن تاپتاۋ مەن تىكەلەي گەنوتسيد قانى بار.
***
ءبىز تۇرمىستاعى ۇلتشىلدىقتى، چينوۆنيكتىك مەيىرىمسىزدىكتى، بۇقارالىق اقپارات قۇرالدارىنداعى ويلانباي جاريالانعان ماقالالاردى نازاردان تىس قالدىرماۋعا ءتيىسپىز. بۇل جەكە- جەكە وقيعالار بولىپ كورىنەر، ءبىراق ول اۋىر زارداپتارعا دا اكەلىپ سوعۋى مۇمكىن.
***
ۇلت ماسەلەسىن شەشۋدىڭ امبەباپ ادىستەرى بولمايدى.
***
ءوز قاتەڭدى ءوزىڭ ءتۇسىنىپ، ءوزىڭ تۇزەتە ءبىل: ساياساتشى دانالىعى دەگەنىمىز - وسى.
***
ۋاقىتتىڭ ءبىر قاسيەتى - سەنبەستى يلاندىرادى، كونبەستى ىرقىنا الادى.
***
كەيدە بۇگىنگى مۇمكىندىكتەردىڭ ەرتەڭ قاتەرگە اينالۋى نەمەسە كەرىسىنشە بولىپ شىعۋى دا ابدەن مۇمكىن.
***
يدەيالىق باعدارلامالار دوگمالارعا ەمەس، ءومىر شىندىعىنا نەگىزدەلگەنى ماڭىزدى.
***
دۇنيە جاھاندىق، ءوزارا تاۋەلدىلىك سيپات الدى: جاھاندىق ارىپتەستىك ۇستەمدىك ەتۋ ءۇشىن بۇل تانىم ءبىزدىڭ بەرىك پرينتسيپىمىزگە اينالۋى ءتيىس.
***
ءالسىزدىڭ وزىنە وداقتاس بولاتىن كۇشتىنى تاڭدامايتىنى اقيقات، ال وزىنەن كۇشتىگە باعىنۋعا ءماجبۇر بولاتىنىن اڭدامايتىنى وكىنىشتى.
***
بايسالدى ساياساتكەر «ءىس- ارەكەتىم باسپا ءسوز بەتىندە ناشار باعا الىپ قالۋى مۇمكىن- اۋ» دەگەن قاۋىپ- قاتەردەن قورىقپاۋعا ءتيىس.
***
ەڭ باستى مىندەت - قايتالاپ ايتامىن، حالىقتىڭ رۋحىن كوتەرۋ. وزىنە دەگەن سەنىمىن ارتتىرۋ.
***
زيالىلار بىرلىگى - ەل بىرلىگى.
***
ۇلىلار قاشاندا حالىقتى رۋحاني اسىلداندىرىپ وتىرعان.
***
ناعىز وتانشىلدىقتىڭ باستى ولشەمى دە ءبىزدىڭ زيالىلارىمىزدىڭ ادالدىعى مەن ادىلدىگىندە، ەلى مەن حالقىنىڭ الدىنداعى پارىزىن تەرەڭ تۇسىنۋىندە.
***
زيالىلاردىڭ ساياساتكەرلەر قولىنداعى ويىنشىققا اينالۋعا حاقىسى جوق. زيالىلار ساياساتكەرلەرگە قاراعاندا اناعۇرلىم ارعى كەلەشەكتى بولجاۋى كەرەك.
***
تۇراقتىلىق ساياسي ماسەلەلەردى شەشۋدىڭ كۇشكە نەگىزدەلمەگەن تاسىلدەرىنە سۇيەنگەندە عانا ساقتالماق.
***
ساياساتتىڭ نەگىزگى ماقساتى - ادام قامى، قوعام قامى، ەل قامى.
***
قاۋەسەت دەگەن قارا كۇيە سياقتى: كۇيدىرمەيدى، كۇيەلەيدى.
***
تەڭىزدە داۋىل تۇرعاندا، تۇبىندەگى قوقىستىڭ ءبارى سۋدىڭ بەتىنە شىعا كەلەدى.
***
اقىل تابىلماي تۇرىپ، ەشتەڭە دە تابىلمايدى.
***
تەرروريزممەن كۇرەسكە ەلىگىپ، ەلدەر مەن حالىقتاردى «تاس عاسىرىنا» قۋىپ تىعۋ ارقىلى ءبىز «تەرروريزم» ۇعىمىن كەلمەسكە كەتىرۋدىڭ ورنىنا، تەك قانا جانداندىراتىن بولامىز.
Baq.kz