نيۋ-يوركتەگى توتەنشە وقيعا تەراكت رەتىندە تەرگەلىپ جاتىر
ا ق ش ىشكى ىستەر قاۋىپسىزدىگى مينيسترلىگى بۇل وقيعانى تەررورلىق اكت دەپ جاريالادى، دەپ حابارلايدى تاسس.
ايتا كەتەيىك، ءبىز بۇعان دەيىن نيۋ-يورك قالاسىندا جۇك كولىگى ءبىر توپ جاياۋ جۇرگىنشىلەردى باسىپ كەتىپ، ارتىنان وق جاۋدىرعانىن. ناتيجەسىندە 6 ادام مەرت بولعانىن حابارلاعان بولاتىنبىز.
رەسمي مالىمەتتەرگە قاراعاندا، جۇك كولىگىنىڭ جۇرگىزۋشىسى ۆەلوسيپەدشىلەر جولاعىنا ءتۇسىپ، جولداعىلاردىڭ ءبارىن قاساقانا باسقان. كۇدىكتى قاماۋعا الىندى. بيلىك ونىڭ اتى- ءجونى مەن ازاماتتىعى تۋرالى اقپارات بەرگەن جوق.
«قازىرگى ۋاقىتتا بولعان توتەنشە وقيعادان 8 ادام مەرت بولىپ، 12 ادام جاراقات الدى»، - دەدى مەگاپوليس ءمەرى بيلل دە بلازيو باسپا ءسوز ءماسليحاتىندا.
كولۋمبيانىڭ فەدەرالدىق وكرۋگىنىڭ پوليتسياسى قالا تۇرعىندارىنا بارىنشا اباي بولىپ، ەگەر كۇدىكتى جايتتاردى بايقاعان كەزدە قۇقىق قورعاۋ ورگاندارىنا حابار بەرۋگە كەڭەس بەردى.
