شۆەتسياعا قوقىس جەتپەي جاتىر

 الەم ميلليونداعان توننا قوقىستان قۇتىلا الماي وتىرعاندا اتالعان ەل قوقىستان ەنەرگيا الادى. بۇل ەلدە قوقىس وڭدەيتىن 32 زاۋىت بار ەكەن. قوقىستان الىنعان ەنەرگيامەن ەلدى جىلۋمەن جانە ەلەكتر ەنەرگياسىمەن قامتاماسىز ەتىپ وتىر. ناقتىراق ايتقاندا، 810 مىڭ ءۇيدى جىلۋمەن، 250 مىڭ ءۇيدى ەلەكتر ەنەرگياسىمەن قامتاماسىز ەتىپ وتىر. قوقىستىڭ جارتىسى ەكىنشى مارتە وڭدەۋگە جىبەرىلەدى، قوقىس وڭدەيتىن زاۋىتتار جۇمىس ىستەۋى ءۇشىن وسىدان بىرەر جىل بۇرىن شيكىزات تاپشىلىعىن تارتقانى بار. سودان بولار، وزگە ەلدەردەن قوقىس ساتىپ الۋعا، ياعني، تاسىمالداۋعا كوشكەن بولاتىن.

 ماسەلەن، 2014 -جىلى سىرتتان 800 توننا قوقىس اكەلىنگەن ەكەن. ورتكەلگەن قوقىستىڭ كۇلى قورشاعان ورتا مەن ەكولوگياعا تيگىزەر زيانى از دەپ ەسەپتەلەدى. الايدا، شۆەدتەر قوقىستىڭ بارلىعىن ورتەۋدەن پايدا بولاتىن 15 پايىز كۇلدىڭ (قوقىستىڭ باستاپقى سالماعىنا شاققاندا) ءوزىن كادەگە جاراتادى. دالىرەگى، كۇلدىڭ ءوزى سۇرىپتاپ، قايتا وڭدەۋگە جونەلتەدى. الىنعان قالدىقتى جول قۇرىلىسىنا پايدالانادى. سوندا قوىستان بار بولعانى 1 پايىز عانا قالدىق قالادى ەكەن. قوقىستى جاعۋدان پايدا بولاتىن ءتۇتىننىڭ 99,9 پايىزى ۋلى ەمەس، ونى قۇرعاق سۇزگى مەن سۋدان وتكىزىپ الادى. سۇزگىدەگى شلاكتى قاڭىراپ قالعان شاحتالاردى تولتىرۋعا پايدالانادى. سول سەبەپتى، الەم بويىنشا شۆەييا ەكولوگياسى ەڭ تازا ەل اتانىپ وتىر. وسىدان 20-30  جىل بۇرىن تۇرمىستىق قالدىقتار مەن قورشاعان ورتانىڭ لاستانۋى دامىعان ەلدەردى ودان قۇتىلۋدىڭ جولىن ىزدەۋگە يتەرمەلەگەن ەدى. ناتيجەسى وسىنداي.

islam.kz