گەرمانياعا قونىس اۋدارعان قازاقستاندىقتار وتانىنان ەستەلىك رەتىندە تاتۋيروۆكا جاساتۋدا - فوتو
پاۆلوداردا تۋىلعان 24 جاستاعى نيكلاس ۆەرۆەكين بيىلعى جىلى كاسىپتىك ليتسەيدەگى وقۋىن ءتامامداپ، سەۆەرنىي رەين-ۆەستفاليا جەرىنىڭ كليەۆە قالاسىنداعى قۇرىلىس كومپانياسىندا پروراب رەتىندە قىزمەت ەتە باستاعان. ول وڭ قولىنا پاۆلودار قالاسىنىڭ كوورديناتى جانە «NV» نىسپىسى بەينەلەنگەن تاتۋيروۆكا جاساتقان.
«مەن بۇرىننان بەرى تاتۋيروۆكا جاساتۋدى قالادىم. كاسىپتىك ليتسەيگە وقۋ تۇسكەن كەزدە ارمانىمدى جۇزەگە اسىرامىن دەپ شەشتىم. ومىرىمدە العاش رەت جاساتىپ جاتقان تاتۋيروۆكانىڭ وزىندىك ماعىناسى بولۋى مەن ءۇشىن اسا ماڭىزدى ەدى. سوندىقتان كىم ەكەنىمدى جانە تۋعان جەرىمدى اڭعارتاتىن تاتۋيروۆكا جاساتۋدى ۇيعاردىم. مۇندا مەنىڭ جۇلدىزناما بەلگىم تاۋەشكى بەينەلەنگەن. ونىڭ تومەنگى جاعىنان پاۆلودار قالاسىنىڭ كوورديناتىن كورە الاسىزدار. ال وڭ جاعىنداعى نىسپىم مەنىڭ جانە اتا- انامنىڭ كىم ەكەنىن اڭعارتادى. وسىلايشا مەنىڭ تاتۋيروۆكام ءۇش بىردەي ماعىناعا يە بولدى. دەنەمە مۇنداي سۋرەت سالعىزباس بۇرىن تاتۋيروۆكا شەبەرىنە ءوز ويىمدى جەتكىزدىم. ول مەنىڭ كوڭىلىمنەن شىققان سۋرەتتى تاڭداپ بەردى»، - دەيدى نيكلاس ۆەرۆەكين.
نيكلاس قازاقستاننان نەرمانياعا 3 جاسىندا قونىس اۋدارعان. ال ونىڭ جيەنى يلونا بەنكەندورف گەرمانياعا ءبىر جاسىندا كوشىپ كەلگەن.
يلونا بەنكەندورف بىلەگىنە قازاقستان كەسكىنى بەينەلەنگەن تاتۋيروۆكا جاساتقان. اقىلعا قونىمدى كولەمدەگى سۋرەت وزدىگىنەن ترەندكە اينالعان.
يلونا پاۆلودار جايلى ەشتەڭە ەسىندە قالماعانىن ايتادى. تۋعان جەرى تۋرالى تەك تۋىستارىنىڭ اڭگىمەسىنەن بىلەدى ەكەن. الايدا قازاقستاندا دۇنيەگە كەلگەنىن اڭعارتقىسى كەلگەنى سونشا، دەنەسىنە تاتۋيروۆكا جاساۋدى ۇيعارعان.
يلونا مەن نيكلاس دوستارىنىڭ اراسىندا تاتۋيروۆكالارىن كورسەتىپ، سۋرەتكە تۇسەدى. سوزدەرىنشە، ولار بۇل ارەكەتىنەن ەش قىمسىنبايدى دا. كەرىسىنشە جىل وتكەن سايىن وتانىمەن اراداعى بايلانىس كۇيشەيىپ كەلەتىن كورىنەدى.
