وڭتۇستىك قازاقستان وبلىسىندا وزگە ۇلت وكىلدەرى قازاق تىلىندە سىنعا ءتۇستى
دەپ حابارلايدى قازاقپارات ءتىلشىسى.
مەملەكەتتىك ءتىلدىڭ قولدانىلۋ اياسىن كوبەيتۋ مەن مارتەبەسىن ارتتىرۋ، ونى وزگە ۇلت وكىلدەرىنىڭ جان- جاقتى يگەرۋىنە ىقپال ەتۋ ماقساتىندا ۇيىمداستىرىلعان شارادا جاستاردىڭ قازاق ءتىلىن ەركىن مەڭگەرگەندىگىنە ءمان بەرىلدى.
بايقاۋعا قاتىسقان ورىس، وزبەك، تاجىك تىلدەرىندە ءبىلىم الاتىن ءبىتىرۋشى تۇلەكتەر قازاق تىلىندە شاعىن شىعارما جازدى. سونىمەن قاتار قاتىسۋشىلار مەملەكەتتىك تىلدە ولەڭ تۇرىندە نەمەسە كوركەمسوز وقۋ ارقىلى ءوزىن جانە ءوزى وقيتىن مەكتەبىن جۇرتشىلىققا تانىستىردى. قازاق ءتىلى مەن ادەبيەتىنە قاتىستى سۇراقتارعا جاۋاپ بەردى. قازاق حالقىنىڭ ۇلتتىق ونەرىنەن، اتاپ ايتقاندا اڭىز، قيسسا، داستان، كوركەمسوز، كۇي، تەرمە جانە ت. ب. ۇزىندىلەر كورسەتىپ، سايىسقا ءتۇستى.
ال، قازىلار القاسى ۇمىتكەرلەردىڭ ءبىلىمى مەن ونەرىن باعالاۋ كەزىندە ولاردىڭ مەملەكەتتىك ءتىلدى مەڭگەرۋىنە، جازۋ ساۋاتتىلىعى مەن سويلەۋ مانەرىنە، قازاق ءتىلى مەن ادەبيەتىن ءبىلۋ دەڭگەيىنە، ساحنادا ءوزىن- ءوزى ۇستاۋى مەن شەشەندىك قابىلەتىنە جانە كيىم سانىنە نازار اۋداردى. بايقاۋ ناتيجەسىندە باس جۇلدەنى تولەبي اۋدانىنان قاتىسقان ديانا يساتايەۆا السا، ءبىرىنشى ورىن كەنتاۋ قالاسىنان قاتىسقان گۇلسينا نەماتوۆاعا بۇيىردى. ال، ەكىنشى ورىندى ارىس قالاسىنان كەلگەن ۆيكتوريا چەركاشينا، ءۇشىنشى ورىندى وتىرار اۋدانىنان قاتىسقان ۆلاديسلاۆ كليمەنكو جەڭىپ الدى. قالعان قاتىسۋشىلار ىنتالاندىرۋ سىيلىقتارىمەن ماراپاتتالدى. بايقاۋدىڭ قاتىسۋشىلارىنا وڭتۇستىك قازاقستان وبلىسى تىلدەردى دامىتۋ، ارحيۆتەر مەن قۇجاتتاما باسقارماسىنىڭ ارنايى العىس حاتتارى مەن ديپلومدارى تاپسىرىلدى.
اۆتور: اينۇر اقبايەۆا
