الەمدەگى ەڭ قىمبات ۇستالعان ساعات ساتىلدى
كينوجۇلدىز جانە اۆتوشاباندوز پول نيۋمانعا تيەسىلى بولعان Rolex ساعاتىنىڭ باستاپقى باعاسى 1 ميلليون دوللار بولعان. اۋكسيون كەزىندە حرونوگرافتىڭ قۇنى 18 ەسەگە ءوستى. ساۋدا 12 مينۋتقا سوزىلدى، ساعاتتىڭ جاڭا يەسى كىم ەكەنى ايتىلمايدى.
Rolex Cosmograph Paul Newman Daytona حرونوگرافى 1968 -جىلى شىعارىلعان. پول نيۋمانعا بۇل ساعاتتى ايەلى، اكتريسا دجوان ۆۋدۆورد سىيلاپتى. ۆۋدۆورد ساعاتتىڭ ارتقى قاقپاعىنا «Drive carefully» (كولىكتى ابايلاپ جۇرگىز) دەپ جازدىرعان. نيۋماننىڭ ساعاتىنان بولەك، ءباسساۋداعا Rolex Cosmograph Daytona حرونوگرافى، Rolex Big Crown قول ساعاتى شىعارىلدى.
Legendary Watches of the 20th Century اۋكسيونى 26 - قازاندا نيۋ- يوركتە ءوتتى. ءباسساۋدانى Phillips اۋكسيون ءۇيى ۇيىمداستىرعان.
Phillips اۋكسيون ءۇيىنىڭ (بۇرىنعى اتاۋى - Phillips de Pury) نەگىزىن 1796 -جىلى ۇلىبريتانيادا گارري فيلليپس قالادى. قازىرگى تاڭدا لوندوندا، نيۋ- يوركتە، جەنيەۆا مەن باسقا دا قالالاردا كەڭسەلەرى بار. ساعات، زاماناۋي ونەر، ديزاين، فوتوسۋرەتتەر مەن زەرگەرلىك بۇيىمداردىڭ اۋكسيونىن وتكىزەدى.
Baq.kz
