ۇسىنىس جاساعان جىگىتىن المامەن ۇرعان بويجەتكەن جەلى جۇلدىزىنا اينالدى - كەسكىن

استانا. قازاقپارات - ا ق ش-تىڭ وگايو شتاتىنىڭ تۇرعىندارى رەندي ۋەنتا مەن ميراندا ماككاليون ءبىر-ءبىرىن كوپتەن بەرى تانيدى جانە جەتى جىل بويى كەزدەسىپ جۇرگەن.

وسى ۋاقىت ارالىعىندا ولاردىڭ ەكى بالاسى دۇنيەگە كەلگەن.

الايدا، رەندي ءوزىنىڭ سۇيگەن قىزىنا رەسمي تۇردە ۇيلەنىپ، توي جاساۋعا اسىقپاعان كورىنەدى. وسىنىمەن قويماي، ول ۇنەمى وسى ماسەلەنى قالجىڭعا اينالدىرىپ كەلگەن، دەپ حابارلايدى Huffpost.

 

«ول وسىعان دەيىن بەس-التى رەت مەنىڭ الدىمدا تىزەرلەپ تۇرىپ، ۇسىنىس جاسايتىن كەيىپ تانىتقان بولاتىن. سوندىقتان، ول شىن مانىندە ماعان ۇسىنىس جاساعان كەزدە، مەن العاشقىدا سەنىڭكىرەمەي، جەپ تۇرعان المامدى ونىڭ ماڭدايىنا پەرىپ جىبەردىم»، - دەيدى ميراندا.

رەندي بۇل جولى ءبارىن الدىن الا جوسپارلاعان. ميراندانىڭ تۋعان كۇنىنە وراي ول بۇكىل وتباسى مۇشەلەرىن ءوزىنىڭ سۇيىكتىسىنە قاتتى ۇنايتىن جەمىس باعىنا شاقىرعان.

باقىتتى قالىڭدىق ءتورت جىل بويى ءوزىنىڭ سۇيىكتىسىن رەسمي تۇردە نەكە قيۋعا ۇگىتتەگەن ەكەن.