قىرعىزستان پارلامەنتىنىڭ جاڭا باسشىسى سايلاندى

استانا. قازاقپارات - قىرعىز رەسپۋبليكاسىنىڭ جوعارعى كەڭەس دەپۋتاتتارى جاڭا سپيكەردى سايلادى.

بەرىلگەن داۋىستاردىڭ قورىتىندىسى بويىنشا «قىرعىزستان» فراكسياسىنان شىققان كانديدات داستان جۇمابەكوۆ پارلامەنت سپيكەرى بولدى، دەپ حابارلايدى قازاقپارات «كnews»  اگەنتتىگىنە سىلتەمە جاساپ.

سپيكەر لاۋازىمىنا د. جۇمابەكوۆپەن تالاسقان ەكىنشى كانديدات «ونۋگۋۋ - پروگرەسس» فراكسياسىنىڭ مۇددەسىن قورعايتىن ي. ماساليەۆ بولدى.

سايلاۋدا جۇمابەكوۆكە - 80، ماساليەۆكە 32 دەپۋتات داۋىس بەردى، 5 دەپۋتات ەكەۋىنىڭ دە كانديداتۋراسىنا قارسى بولدى.

ەسكە سالا كەتسەك، 25- قازاندا قىرعىز رەسپۋبليكاسى جوعارعى كەڭەس سپيكەرى چىنىباي تۇرسىنبەكوۆ وتستاۆكاعا كەتتى. ول بۇل لاۋازىمعا 2016-جىلدىڭ ساۋىرىندە سايلانعان بولاتىن.