قازاقستاندىقتار ينتەرنەتتى قانداي ماقساتتا پايدالانادى
زەرتتەۋ ناتيجەسى 16 جاستان اسقان قازاقستاندىقتاردىڭ ينتەرنەتتى پايدالانۋداعى مىنەز- قۇلقى جايىندا تۇسىنىك قالىپاستىرۋعا سەپتىگىن تيگىزەدى. Google كومپانياسىنىڭ تاپسىرىسى بويىنشا الەمنىڭ 60 تان استام ەلىمەن قاتار قازاقستاندا دا جۇرگىزىلگەن زەرتتەۋدەن ەل ازاماتتارىنىڭ عالامتورعا نە ءۇشىن كىرەتىندىگىن، بۇل رەتتە قانداي قۇرىلعىلاردى ءجيى پايدالاناتىندىعىن بىلۋگە بولادى. سونىمەن، زەرتتەۋ ناتيجەسىندە قازاقستاندىقتاردىڭ 74 پايىزى ينتەرنەتتى جەكە ماقساتتا پايدالاناتىندىعى انىقتالدى.
سالىستىرمالى تۇردە ايتار بولساق، بۇل جاھاندىق دەڭگەيدەن 8 پايىزعا تومەن. ەڭ بەلسەندى قولدانۋشىلار 25-34 جاستا. بۇل ساناتتاعىلار ەلىمىزدىڭ ينتەرنەت قولدانۋشىلارىنىڭ 30 پايىزىن قۇرايدى. ال 35-40 جاستاعىلاردىڭ كورسەتكىشى - 20 پايىز. ەلىمىزدە ەرلەر دە، ايەلدەر دە ينتەرنەتتى بەلسەندى قولدانادى. گەندەرلىك تۇرعىدا بۇل كورسەتكىش سايكەسىنشە 47 جانە 53 پايىز. ءبىر قازاقستاندىققا ينتەرنەتكە قوسىلعان 1,7 قۇرىلعىدان كەلەدى.
ورتاشا ستاتيستيكالىق قازاقستاندىق پايدالاناتىن ءۇش نەگىزگى ديەۆايستار مىنالار: سمارتفون (64 پايىز) ، نوۋتبۋك (26) ، سمارت- تەلەديدار (10) . قازاقستاندىقتار ديەۆايستاردى پايدالانۋدا دا كوش ىلگەرى. ولاردىڭ ارسەنالىندا ينتەرنەتكە قوسىلاتىن نەتبۋك پەن پلانشەتتەر، ەلەكتروندى كىتاپتار، سمارت- ساعاتتار مەن ترەكەرلەر بار. 2017 -جىلى 16 جاستان اسقان قازاقستاندىقتاردىڭ 58 پايىزى كومپيۋتەر مەن سمارتفونداردى قولدانا وتىرىپ ينتەرنەتتەن ۆيدەولار كورگەن. قازاقستاندىقتاردىڭ ينتەرنەتتەگى مىنەز- قۇلقى دا جاھاندىق ۇردىسپەن ساي كەلەدى. ماسەلەن، قازاقستاندىق ونلاين- پايدالانۋشىلاردىڭ 72 پايىزى ءبىرىنشى كەزەكتە كوڭىلدەرىن كوتەرەدى، 75 پايىزى قاجەتتى اقپاراتتاردى ىزدەيدى ەكەن. ايتا كەتەرلىگى، بۇل زەرتتەۋلەر ەلىمىزدە 2017 -جىلدىڭ 1 - ءساۋىرى مەن 30 - ماۋسىمى ارالىعىندا جۇرگىزىلگەن.
اۆتور: مارلان جيەمباي
