تاڭعاجايىپ وقيعا: كەلىنشەك توعىز اي ىشىندە ەكى رەت جۇكتى بولعان

استانا. قازاقپارات - ەكى قىزدىڭ اناسى باسىنان وتكەن تاڭقالدىرارلىق وقيعاسىن ءبولىستى.

بۇل تۋرالى «7يا. رۋ» باسىلىمى جازدى.

ايەلدىڭ ايتۋىنشا وسىدان 12 جىل بۇرىن، 27 جاسىندا بالالى بولۋدى جوسپارلاعان. «ۋنيۆەرسيتەتتى ءتامامداپ، شەتەلدە تاجىريبە جيناپ، شەتەلدىك كومپانيادى جۇمىس ىستەپ، عاشىق تا بولىپ ۇلگەرگەن كەزىم ەدى. وتىز جاسىما دەيىن بالا تۋىپ الۋدى ءجون كوردىم»، - دەيدى كەيىپكەر.

ونىڭ ۇستىنە دارىگەرلەر وعان تەكسەرۋدەن كەيىن «ومىردە بەس وقۋ ورنىن ءتامامداپ، سان رەت ۇيلەنۋگە بولادى. ءبىراق، تۋعان بالاڭ ماڭگىلىككە قالادى» دەپ ايتقان ەكەن. كوپ ۇزاماي ايەل ءوزىنىڭ جۇكتى ەكەنىن تۇسىنەدى. ۋدز ونىڭ ەكى اپتادان بەرى ءبىر بالاعا جۇكتى ەكەنىن كورسەتەدى. كەيىپكەر سول كۇنى ءىسساپاردان ورالعان جىگىتىمەن جاڭالىعىن بولىسەدى. قۋانىشتى جاڭالىقتى جاقىندارىنىڭ اراسىندا اتاپ وتەدى.

ەكى ايدان كەيىن ايەل دارىگەرگە قارالۋعا بارادى. كەنەت دارىگەر «جارايسىز! قۇتتىقتايمىن! ءسىز ەكى بالانىڭ اناسى اتاناسىز» دەيدى». دارىگەردىڭ سوزىنە تاڭقالعان كەلىنشەك ونى ۇرىسا باستايدى. ۋدز ناتيجەسىن مۇقيات قاراۋدى سۇرايدى. ءبىراق، قايتا تەكسەرۋ ايەلدىڭ ەكى بالالى بولاتىنىن كورسەتەدى.

كوپ ۇزاماي كەلىنشەك ەڭ مىقتى ماماننىڭ قابىلداۋىنا جازىلىپ، ءىستىڭ ءمان جايىن انىقتاۋعا تىرىسادى. كوپتەگەن اناليز تاپسىرىپ، قايتا تەكسەرۋدەن وتەدى. جۇكتىلىكتىڭ 26-اپتاسىندا دارىگەر گەنەتيكالىق ەكسپەرتيزادان وتۋگە كەڭەس بەرەدى.

«ءىشىمدى ءبىر تاڭعاجايىپ اپپاراتتىڭ كومەگىمەن تەكسەردى. ناتيجەسىندە «ءسىزدىڭ ءبىر ءسابيىڭىز ەكىنشىسىمەن تاماقتانىپ جاتىر. سول سەبەپتى، ءبىر ءسابيدى الىپ تاستاعان دۇرىس» دەپ ايتتى دارىگەرلەر. ءبىراق، مەن بۇل شەشىممەن كەلىسپەدىم. دۇنيە ەسىگىن اشىپ ۇلگەرمەگەن ءسابيدى مەن قالاي ولتىرەمىن»، - دەيدى كەلىنشەك.

ۇزاق تەكسەرۋدەن كەيىن دارىگەر 30 جىلدىق تاجىريبەسىندە مۇنداي جاعدايمەن ەكىنشى رەت كەزدەسىپ تۇرعانىن ايتادى. عىلىم تىلىندە مۇنى «سۋپەرفەتاتسيا» دەپ اتايدى ەكەن.

سۋپەرفەتاتسيا دەگەنىمىز - جۇكتىلىك كەزىندە انالىق جۇمىرتقانىڭ ەكىنشى رەت ۇرىقتالۋى. ادەتتە ول جۇكتىلىككە 24 كۇن تولعان كەزدە بولادى. دارىگەر مۇنداي جۇكتىلىك كەزىندە كەمشىلىكتەردىڭ بولۋى مۇمكىن ەكەنىن ايتقان. ناتيجەسىندە كەلىنشەك كەساريەۆونىڭ كومەگىمەن سالماعى 2400، 2600 گرامم بولاتىن ەكى ءسابيدى دۇنيەگە اكەلگەن. ءدال قازىر 11 جاسار قىزداردىڭ جاعدايى جاقسى.

«وزگە ايەلدەر سەكىلدى مەن دە انا بولعاننان كەيىن كوپ نارسەنى ءتۇسىندىم. اراعا 12 جىل سالىپ الگى دارىگەردىڭ سوزدەرىن ەسكە الىپ وتىرمىن. بۇگىندە 11 جاسار قىزدارىم اليسكە مەن مارگونىڭ جاعدايلارى جاقسى. بارلىق سۇراققا دۇرىس جاۋاپتى تەك انا جۇرەگى بەرە الاتىنىن ەندى عانا ءتۇسىندىم. ماحاببات پەن ءۇمىت قانا تاڭعاجايىپ جاساي الادى. الداعى ۋاقىتتا بۇل وقيعانى ولارعا دا ايتىپ بەرەمىن دەگەن ويدامىن»، - دەيدى كەلىنشەك.