اۋىر اتلەتيكادان قازاقستان قۇراماسىن شەتتەتۋ كۇشىنە ەندى
ولاردىڭ قاتارىندا قازاقستان قۇراما كومانداسى دا بار. ءار فەدەراتسيا بۇل شەشىمگە 21 كۇن ىشىندە شاعىم بەرۋىنە بولادى. ءۇش جانە ودان دا كوپ ءتارتىپ بۇزۋشىلىقتار ارمەنيا، ازەربايجان، بەلارۋس، مولداۆا، رەسەي، تۇركيا جانە ۋكراينا ەلدەرىندە دە بولدى.
بۇل كوماندالاردىڭ بارلىعى دەرلىك قازاقستانمەن قاتار الەمدىك اۋىر اتلەتيكادا جوعارى پوزيتسياعا يە.
ايتا كەتەيىك، 2016-جىلدىڭ قاراشا ايىنىڭ سوڭىندا حالىقارالىق وليمپيادا كوميتەتى قازاقستاندىق اۋىر اتلەت يليا ءيليننىڭ دوپينگ ساراپتاماسىنان تىيىم سالىنعان زاتتار تابىلعاننان كەيىن، 2008 جانە 2012-جىلدارداعى وليمپيادا ويىندارىندا ەنشىلەگەن التىن مەدالدارىن قايتارىپ العان بولاتىن.
سونىمەن قاتار، قازاقستاندىق زىلتەمىرشى سۆەتلانا پودوپەدوۆا، زۋلفيا چينشانلو جانە مايا مانەزالار دا ءارتۇرلى مەرزىمگە 2012-جىلعى لوندون وليمپياداسىنان العان التىن مەدالدارىنان ايىرىلىپ، ءتۇرلى مەرزىمگە ديسكۆاليفيكاتسيالانعان ەدى.
