17:28, 19 - قازان 2017 | GMT +6
ا ق ش- تا ۇشاق قالا ورتاسىنا قونىپ، ەكى اۆتوكولىكپەن سوقتىعىستى
استانا. قازاقپارات - فلوريدا شتاتىندا ءبىر ۇشاق جانە ەكى اۆتوكولىكتىڭ قاتىسۋىمەن بولعان جول اپاتى تەكسەرىلىپ جاتىر.
بۇل تۋرالى Fox 13 حابارلايدى. ەكى موتورلى Cessna ۇشاعى اۆتوموبيل جولىنا شۇعىل تۇردە قونىپ، ەكى كولىكپەن سوقتىعىسقان.
وقيعا سالدارىنان بەس ادام جەڭىل جاراقات الىپ، ونىڭ ۇشەۋى اۋرۋحاناعا جاتقىزىلعان. اۋرۋحاناعا ۇشاق بورتىندا بولعان ەكى، كولىكتە بولعان ءبىر جولاۋشى جەتكىزىلگەن. دارىگەرلەردىڭ ايتۋىنشا زارداپ شەككەندەردىڭ ومىرىنە قاۋىپ ءتونىپ تۇرعان جوق.
قازىرگى تاڭدا اۆياتسيالىق بيلىك پەن پوليتسيا وقيعانىڭ ءمان- جايىن انىقتاپ جاتىر.
