ەجەلگى ەگيپەت وركەنيەتىنىڭ نەلىكتەن جويىلىپ كەتكەنى انىقتالدى
ارنايى زەرتتەۋ جۇرگىزگەن حالىقارالىق عالىمدار توبى ۆۋلكاننىڭ كەسىرىنەن عالامدىق كليماتتىڭ وزگەرۋى ورىن الىپ، ول جاعداي ەگيپەت وركەنيەتىن دە شايىپ كەتكەن دەگەن قورىتىندىعا كەلدى.
ەجەلگى ەگيپەتتىڭ دامۋى ايگىلى ءنىل وزەنىنە تىكەلەي بايلانىستى بولعان. ءنىل وزەنىنىڭ سۋى مەن ونداعى ءتىرى ورگانيزمدەر حالىقتىڭ جان باعۋىنا مۇمكىندىك بەرەدى. شارۋالار وزەن ارقىلى ەگىن شارۋاشىلىعىن دا گۇلدەندىرگەن. سونىڭ ارقاسىندا بارلىق ءىرى قالالار وزەن جاعالاۋلارىندا بوي كوتەرەدى.
عالىمداردىڭ پىكىرىنشە كەنەتتەن جانارتاۋ اتقىلاپ، اۋا-رايىن بۇزۋى ءنىل وزەنىنىڭ دە لايىقتى دەڭگەيدە تارالۋىنا كەدەرگى كەلتىرگەن. بۇل جاعدايدا پلانەتانىڭ گاز قابىعى قايتا عارىشقا قاراي كوتەرىلىپ، بۇل جىلۋ مەن جاڭبىردىڭ بولىنۋىنە اسەر ەتەدى.
ءبىزدىڭ زامانىمىزعا دەيىنگى 44 -جىلى، ەگيپەتتى كلەوپارترا بيلەپ تۇرعان كەزدە الاپات جانارتاۋ اتقىلاۋى ورىن الادى. كۇل مەن ىستىق گاز مۋسسوندىق اعىمدى وزگەرتىپ، ءنىل وزەنىنىڭ سۋ دەڭگەيىن تومەندەتىپ، جەر بەتىندە وركەنيەتتىڭ جويىلۋ قاۋىپىن تەرەڭدەتكەن.
