بەكمان سويلىبايەۆ تيتۋلدىق جەكپە-جەك الدىندا سالماق ولشەۋ راسىمىنەن ءوتتى

استانا. قازاقپارات - ا ق ش- تىڭ لاس-ۆەگاس قالاسىندا Golden Boy پروموۋتەرلىك كومپانياسى وتكىزەتىن كاسىپقوي بوكس كەشىنىڭ قارساڭىندا سالماق ولشەۋ ءراسىمى ءوتتى، دەپ حابارلايدى «قازاقپارات» ح ا ا ۆكونتاكتە جەلىسىندەگى «پروفي بوكس كازاحستانا» توبىنا سىلتەمە جاساپ.

وسى بوكس كەشىندە قازاقستاندىق بەكمان سويلىبايەۆ (11-0, 4 ك و) 29 جاستاعى مەكسيكالىق بوكسشى فەرناندو ۆارگاسقا (32-12-3, 21 ك و) قارسى شارشى الاڭعا شىعادى.

بوكسشىلار ءبىرىنشى جەڭىل سالماقتىڭ تالاپتارىنان (58,9 كيلوگرامعا دەيىن) شىعا ءبىلدى. جەكپە-جەكتە سويلىبايەۆقا تيەسىلى WBC International چەمپيوندىق تيتۋلى ساراپقا سالىنادى.  قىزىقتى باسەكەنى ESPN جانە «حابار» تەلەارنالارى تىكەلەي ەفيردەن كورسەتەدى. ترانسلياتسيانىڭ باستالۋى استانا ۋاقىتىمەن 20- قازان كۇنى تاڭعى 07:00 گە جوسپارلانعان.