قازاقستان مەن رەسەي ۆيتسە-پرەمەرلەرى سيفرلاندىرۋ ماسەلەلەرىن تالقىلادى
نەگىزگى كۇن تارتىبىنە «سيفرلىق ەكونوميكا» بەكىتىلگەن فورۋمعا ر ف ۇكىمەتىنىڭ ءتوراعاسى دميتري مەدۆەديەۆ، ر ف ۇكىمەتى ءتوراعاسىنىڭ ورىنباسارى اركادي دۆوركوۆيچ، «Alibaba Group» كومپانياسى ديرەكتورلار كەڭەسىنىڭ ءتوراعاسى دجەك ما، «سبەربانك» قوعامدىق ا ق باسقارماسىنىڭ پرەزيدەنتى جانە ءتوراعاسى گەرمان گرەف، ليۋكسەمبۋرگتىڭ پرەمەر-ءمينيسترى كساۆە بەتەل، ۇلى بريتانيا ۇكىمەتى مەملەكەتتىك سيفرلىق قىزمەتىنىڭ تەحنيكالىق ديرەكتورى ليام ماكسۆەلل جانە وزگە دە مەملەكەت قايراتكەرلەرى مەن بيزنەس كاپيتاندارى قاتىستى.
فورۋم الەمنىڭ 90 نان استام ەلىنەن كەلگەن 18 مىڭعا جۋىق قاتىسۋشىنىڭ باسىن قوستى.
قاتىسۋشىلار تسيفرلىق ەكونوميكا مەن الەمدىك اقپاراتتاندىرۋدىڭ دامۋىمەن تىعىز بايلانىستى جاھاندىق پروتسەسستەردىڭ وزگەرۋىن بەلسەندى تالقىلادى. سونداي-اق، قازاقستاندىق ۆيتسە-پرەمەر فورۋم اياسىندا ءوزىنىڭ رەسەيلىك ارىپتەسى ا. دۆوركوۆيچپەن كەزدەستى.
سوچيدە وتكەن جوعارى ەۋرازيا ەكونوميكالىق كەڭەسىندەگى ە ا ە و- عا مۇشە مەملەكەتتەردىڭ سيفرلىق ەكونوميكالارىن سايكەستەندىرۋ تۋرالى ەاەو مەملەكەت باسشىلارىنىڭ تاپسىرمالارىنا سايكەس، قازاقستان مەن رەسەيدىڭ ۆيتسە-پرەمەرلەرى ە ا ە و اياسىنداعى ەكى ەلدىڭ ەكونوميكالارىن سيفرلاندىرۋ سالاسىنداعى قىزمەتتىڭ نەگىزگى باعىتتارىن تالقىلادى.
تاراپتار اتالعان باعىتتاعى ىنتىماقتاستىقتى تەرەڭدەتۋ قاجەتتىگىن اتاپ ءوتتى. «قازىرگى ۋاقىتتا مەملەكەت باسشىسىنىڭ تاپسىرماسى بويىنشا «سيفرلى قازاقستان» باعدارلاماسىن جەتىلدىرۋمەن اينالىسۋدامىز، وندا ادامي كاپيتالدى دامىتۋ، پرواكتيۆتىك مەملەكەتتى دامىتۋ، سيفرلىق ينفراقۇرىلىم قۇرۋ مەن ەكونوميكانىڭ بارلىق سالالارىن سيفرلاندىرۋ قاراستىرىلعان. سونداي-اق، اتالعان باعدارلامادا ەكوجۇيەنى دامىتۋ جانە ونەركاسىپتىك كاسىپورىنداردى سيفرلاندىرۋ سىندى ماڭىزدى ەلەمەنتتەر بولادى. جاقىن ارادا بۇل باعدارلامانى جەتىلدىرۋدى اياقتايمىز»، - دەدى ا. جۇماعاليەۆ.
ودان بولەك، قازاقستاندىق ۆيتسە-پرەمەر «سكولكوۆو» تەحنوپاركى نەگىزىندە «يننوۆاتسيالىق تەحنولوگيالار پاركى» قازاقستاننىڭ اۆتونومدى كلاستەرلىك قورىنىڭ قازاقستاندىق وكىلدىگىنىڭ اشىلۋىنا قاتىستى.
«سكولكوۆوداعى» «يننوۆاتسيالىق تەحنولوگيالار پاركى» بارلىق قاجەتتى جاعدايلاردى جاسايدى جانە ءبىزدىڭ ستارتاپتارعا ەۋرازيا ەكونوميكالىق وداعىنىڭ نارىعىندا جۇمىس ىستەۋگە مۇمكىندىك بەرەدى»، - دەپ اتاپ ءوتتى ا. جۇماعاليەۆ.
اۆتور: ايجان سەرىكجان قىزى
