ب ە ل ت ا باسشىسى: مەملەكەتكە ءوز قىزمەتى تۋرالى اقپارات تاراتىن سەنىمدى ارنا كەرەك
ت م د اقپارات كەڭەسى 1995 -جىلى قاراشا ايىندا قۇرىلعان. ونىڭ قۇرامىنا ازەربايجان، ارمەنيا، بەلارۋس، قازاقستان، قىرعىزستان، مولداۆيا، رەسەي جانە تاجىكستاننىڭ مەملەكەتتىك جاڭالىقتار قىزمەتىنىڭ جەتەكشىلەرى كىرەدى.
بەلارۋس تەلەگراف اگەنتتىگىنىڭ (ب ە ل ت ا) باس ديرەكتورى دميتري جۋك «قازاقپارات» ح ا ا تىلشىسىنە بەرگەن سۇحباتىندا ءوزى باسقاراتىن اقپارات اگەنتتىگىندە قولدانىلاتىن جاڭا تەحنولوگيالار مەن ب ا ق- تىڭ بەلارۋستەگى بەدەلى تۋرالى ايتىپ بەردى.
بەلارۋس تەلەگراف اگەنتتىگى ت م د اۋماعىنداعى جانە الىس شەت ەلدەردەگى جەتەكشى ب ا ق- تارمەن اۋقىمدى سەرىكتەستىك بايلانىستار ورناتقان. ءوزارا ارەكەتتەستىك پەن كووپەراتسيا - قاشاندا ءتيىمدى.
ءبىزدىڭ ويىمىزشا، ب ە ل ت ا مەن «قازاقپارات» ح ا ا اراسىندا ايتارلىقتاي تىعىز ءارى جەمىستى ىنتىماقتاستىق ورنادى جانە بىرنەشە جىلدان بەرى دامىپ كەلەدى. بەلارۋس پەن قازاقستاندا وتكەن ماڭىزدى شارالاردى جاريالاۋدا ءبىر-بىرىمىزگە قولداۋ كورسەتەمىز. ءتۇرلى مەدياجوبالارعا قاتىسامىز. ونىڭ جارقىن مىسالى رەتىندە كوپجاقتى اگەنتتىكارالىق ينفورمەردى ايتا الامىن. وندا ب ە ل ت ا مەن قازاقپاراتتان بولەك، ازەرتادج، Trend، كابار مەن حوۆار ەنگەن.
قاتىسۋشى اگەنتتىكتەردىڭ سايتتارىنداعى جاڭالىقتىق حابارلامالاردى جىلدام جاريالايتىن بۇل جۇيە 2016 -جىلى ىسكە قوسىلعان. ينفورمەردىڭ نەگىزگى ماقساتى - سەرىكتەستەردىڭ رەداكتورلىق قىزمەتتەرىن قاجەت ەتپەي، جاڭالىق مازمۇنىنا ەش وزگەرىس ەنگىزبەي، مەنشىكتى جانە ءتۇپنۇسقاداعى كونتەنتتى شەتەلدىك مەدياالاڭدارعا شىعارۋ.
بۇل پلاتفورما جۇمىسى ءوزارا تولىق كاسىبي سەنىمگە نەگىزدەلگەن. قازاقپاراتتى، ءسوزسىز، ينتەرنەت كەڭىستىگىندەگى سەنىمدى سەرىكتەسىمىز جانە جىلدام اقپارات كوزى دەپ ەسەپتەيمىز. بۇل ۆيرتۋالدى ب ا ق پەن الەۋمەتتىك جەلىلەردىڭ قارقىندى دامۋ عاسىرىندا ەرەكشە قۇندى بولماق.
ەكىنشى جاعىنان، البەتتە، ىنتىماقتاستىقتىڭ الەۋەتى ءالى تولىق اشىلعان جوق. قازاقپاراتپەن بىرلەسىپ، كوپ نارسەنى جۇزەگە اسىرعىمىز كەلەدى. اتاپ ايتقاندا، ە ا ە و- داعى ينتەگراتسيانى دامىتۋ، جاڭا جىبەك جولىنىڭ ەكونوميكالىق بەلدەۋى جانە مادەني- گۋمانيتارلىق سالاداعى وزەكتى تاقىرىپتار بويىنشا ناقتى جوبالاردى جۇزەگە اسىراتىن يدەيالار مەن مۇمكىندىكتەر بار.
- جاقىن ارادا نەمەسە جالپى قانداي يدەيالار مەن جوبالاردى جۇزەگە اسىرۋ كوزدەلىپ وتىر؟
- ءبىز ۇنەمى جاڭا يدەيالارمەن جۇمىس ىستەيمىز. جۇزەگە اسىرىلعان ءبىر جوبانى ەكىنشىسى الماستىرادى. وزدەرىڭىز بىلەتىندەي، مەديا سالاسىنىڭ ءوزى - ۇزاق ءۇزىلىس پەن توقىراۋعا توزبەيتىن قايناعان تىرشىلىك.
قازىرگى ۋاقىتتا اگەنتتىكتىڭ الەۋمەتتىك جەلىلەردەگى قىزمەتىن كەڭەيتۋگە جانە ۆيزۋالدى كونتەنت ۇلەسىن كوبەيتۋگە كوڭىل ءبولىپ وتىرمىز. ودان بولەك، ب ە ل ت ا ءىرى تاقىرىپتىق ينتەرنەت- جوبالار ازىرلەپ جاتىر. ولاردىڭ ءبىرى بەلارۋستەگى 2-ەۋروپا ويىندارىنا ارنالعان.
سونىمەن بىرگە، ب ە ل ت ا- نىڭ 100 جىلدىعىنا قىزۋ دايىندىق ۇستىندەمىز. شىن مانىندە، تۇتاس 2018 -جىل ءبىز ءۇشىن مەرەيتويلار جىلى بولعالى تۇر. كوپتەگەن قىزىقتى جانە ءتۇرلى پىشىندەگى شارالاردى وتكىزۋ قاراستىرىلعان، ولارعا سەرىكتەسىمىز «قازاقپاراتتى» دا قاتىستىرۋ جوسپاردا بار.
- مەملەكەتتىك اقپارات اگەنتتىكتەرى ءۇشىن ەرەكشە مارتەبە - قاجەتتىلىك پە الدە كوپ ارتىقشىلىقتاردىڭ ءبىرى مە؟ رەسمي ۇكىمەتتىك اقپاراتتاردى جاريالاۋدا ب ە ل ت ا- دا مونوپوليا بار ما؟
- ءدال وسىنداي قۇقىق بەلارۋس تەلەگراف اگەنتتىگىنە 1995 -جىلدىڭ 10 -قازانىندا بەلارۋس رەسپۋبليكاسى پرەزيدەنتىنىڭ N413 جارلىعىمەن بەرىلگەن. سونىمەن قاتار، رەسمي سيپاتتاعى اقپاراتتى قوسقاندا، جالپى اقپاراتقا مونوپوليا مۇمكىن ەمەس. ءبىراق، مەملەكەتكە ءوز قىزمەتى تۋرالى جاڭالىق تاراتاتىن، كوممەرتسيالىق نەمەسە ساياسي ىقپالدارعا بەرىلمەيتىن، تەكسەرىلگەن، سەنىمدى ارنالار كەرەك.
سوڭعى جىلدارى مەديانارىقتا باسەكەلەستىك پايدا بولدى، اقپاراتتىق اعىندار دا قارقىندى ۇلعايا ءتۇستى - مۇنداعى اڭگىمە تەك بەلارۋس تۋرالى ەمەس. حالىقتىڭ دا تەكسەرىلگەن ناقتى اقپاراتقا دەگەن سۇرانىسى ارتىپ كەلەدى. سول سەبەپتى مەملەكەتتىك اگەنتتىكتەردىڭ ەرەكشە مارتەبەسى قالادى: ولار سەنىمدى ءارى جىلدام اقپاراتتىڭ كوزى جانە شەنەۋنىكتەر مەن ساياساتكەرلەردىڭ، بيزنەسمەندەر مەن قاراپايىم تۇرعىنداردىڭ وبەكتيۆتى شەشىم قابىلداۋىنا نەگىز بولا الادى.
