جەمقورلىق پروبلەماسىن جازعان جۋرناليستى ءولتىرىپ كەتتى

استانا. قازاقپارات - مالتادا ەلدەگى سىبايلاس جەمقورلىق پروبلەماسىن جازعان جۋرناليستى ءولتىرىپ كەتتى، دەپ جازادى The Times of Malta.

ەلدەگى سىبايلاس جەمقورلىق ماسەلەسىن جازىپ جۇرگەن جۋرناليست دافنە كارۋانا گاليتسيانى كولىگىمەن بىرگە جارىپ جىبەردى.

جۋرناليستىڭ كولىگى كارۋانا گاليتسيا ۇيىنەن شىعىپ ءسال جۇرگەننەن كەيىن جارىلعان.

جارىلىس سەبەپتەرى ازىرگە بەلگىسىز. قايعىلى وقيعا بولاردان بىرنەشە كۇن بۇرىن جۋرناليست پوليتسيا قىزمەتكەرلەرى وزىنە قوقان-لوققى كورسەتىلىپ جۇرگەنىن ءمالىم ەتكەن ەدى.

مالتانىڭ پرەمەر-ءمينيسترى دجوزەف مۋسكات جۋرناليستىڭ ءولىمىن «ۆارۆارلىق شابۋىل» دەپ اتادى.

ول مالتانىڭ ا ق ش- تىڭ فەدەرالدى تەرگەۋ بيۋروسىنان بولعان وقيعانى تەكسەرۋ ءۇشىن كومەك سۇراعانىن ءمالىم ەتتى.