15:18, 17 - قازان 2017 | GMT +5
ەيفەل مۇناراسىنىڭ جارىعى ءسوندىرىلدى
استانا. قازاقپارات - پاريجدە سومالي استاناسى - موگاديشوداعى 300 دەن استام ادامنىڭ ءومىرىن قيعان تەراكت قۇرباندارىن ەسكە الۋ ءۇشىن ەيفەل مۇناراسىنداعى جارىق ءسوندىرىلدى.
بۇل جايلى ABC News جازدى. بۇرىن حابارلانعانىنداي، جان تۇرشىگەرلىك لاڭكەستىك ارەكەتىنەن 300 ادام قازا تاۋىپ، تاعى 300 دەن استام ادام زارداپ شەككەن. 14 - قازان كۇنگى قايعىلى وقيعا ەل تاريحىنداعى ەڭ ۇلكەن تەراكت بولدى. رەسپۋبليكا پرەزيدەنتى موحامەد ءابدۋللاحي موحامەد سوماليدە ءۇش كۇندىك ازا تۇتۋ جاريالادى.
