كليماتتىڭ وزگەرۋى قانداي اۋرۋلاردى تۋىنداتادى؟

استانا. قازاقپارات - جاھاندىق جىلىنۋعا بايلانىستى ورىن الىپ وتىرعان كليماتتىڭ وزگەرۋى تەك تابيعي اپاتتاردى، سونىڭ ىشىندە، قۇرعاقشىلىقتى تۋدىرمايدى.

سونىمەن قاتار، زيكا ۆيرۋسى، دەنگە بەزگەگى، تىرىسقاق، ت. ب. سەكىلدى ءالى كۇنگە تولىق جويىلماعان ينفەكتسيالىق ىندەت وشاقتارىن كوبەيتەدى.

بۇل جايىندا كولورادو ۋنيۆەرسيتەتىنىڭ (University of Colorado) عالىمدارى ءمالىم ەتتى. زەرتتەۋشىلەر توبىنىڭ جەتەكشىسى سەسيليا سورەنسەن (Cecilia Sorensen) كەلتىرگەن دەرەككە قاراعاندا، كليماتتىڭ وزگەرۋى تەك ەكونوميكالىق- الەۋمەتتىك، ەكولوگيالىق قيىندىقتارعا تولى بولمايدى، سونداي-اق، ادامزاتتىڭ دەنساۋلىعىنا قاۋىپ توندىرەدى.

ياعني، الداعى ۋاقىتتا ادامزاتقا جان- جاقتى قاۋىپ ءتونىپ كەلەدى. بۇدان الەمنىڭ كەز كەلگەن ەلى تىس قالمايدى. ماسەلەن، ەجەلدەن ءتۇرلى ىندەت وشاعى سانالاتىن افريكا قۇرلىعىندا بەزگەك ىندەتى ءورشىپ كەتكەن.

ەكۆادور بەلدەۋىندە سۋ تەمپەراتۋراسىنىڭ وزگەرۋىنەن (مىسالى، ەل- نينو وزەنى)، جىلىپ كەتۋىنەن دەنگە بەزگەگىمەن سىرقاتتانۋ قاتەرى ارتقان.