قازاقستان گازىن قىتايعا ەكسپورتتاۋدى باستاۋ وتە ماڭىزدى وقيعا - مىڭبايەۆ
مۇنداي پىكىردى بۇگىن قازاقستاندىق گازدى «بەينەۋ- بوزوي- شىمكەنت» ماگيسترالدى گاز قۇبىرىنان «ورتالىق ازيا - قىتاي» ترانسۇلتتىق گاز قۇبىرىنا جىبەرۋ سالتاناتتى راسىمىندە «قازمۇنايگاز» ۇ ك ا ق- نىڭ باسقارما ءتوراعاسى ساۋات مىڭبايەۆ ءبىلدىردى، دەپ حابارلايدى قازاقپارات.
«بۇگىن قازاقستاننىڭ گازىن قىتاي حالىق رەسپۋبليكاسىنا تاسىمالداۋدىڭ باستالۋى ءراسىمى وتۋدە. وسى كۇنگە دەيىن ءبىزدىڭ گاز قىتايعا جەتكىزىلگەن ەمەس. تۇرىكمەن، وزبەك گازىن قىتاي حالىق رەسپۋبليكاسىنا ترانزيتتەپ كەلگەن بولاتىنبىز. وتكەن جىلدىڭ جەلتوقسان ايىندا بەينەۋ- بوزوي- شىمكەنت گاز قۇبىرى اياقتالعاننان كەيىن گازىمىزدى قىتايعا تاسىمالداۋعا مۇمكىنشىلىك الىپ وتىرمىز. وسى ۇلكەن جۇمىستاردىڭ بارلىعى ەلباسىنىڭ تاپسىرماسى بولاتىن. بۇل تاپسىرمالار ۋاقىتىندا اتقارىلدى» ، - دەدى ول.
ونىڭ ايتۋىنشا، اعىمداعى جىلدىڭ شىلدە ايىندا استاناعا ق ح ر باسشىسى شي جنپين ساپارمەن كەلىپ، سول كەزدە قازاقستان گازىن قىتايعا ەكسپورتتاۋ تۋرالى مەموراندۋمعا قول قويىلعان. «وسى جىلدىڭ 30 - قىركۇيەگىندە كەلىسىمشارتقا قول قويىلىپ، بۇگىننەن گاز تاپسىمالداۋ باستالدى. بۇل ەلىمىز، ەكونوميكامىز ءۇشىن وتە ماڭىزدى وقيعا. ويتكەنى، وسى كۇنگە دەيىن قازاقستاننىڭ گازى رەسەي ارقىلى تەك قانا ەۋروپاعا قاراي تاسىمالداناتىن. ال ءارتاراپتاندىرۋ جۇمىستارى جۇرگىزىلگەننەن كەيىن قوسىمشا مۇمكىنشىلىكتەر پايدا بولدى» ، - دەدى ساۋات مىڭبايەۆ.
ايتا كەتەيىك، راسىمگە ق ر ەنەرگەتيكا ءمينيسترى قانات بوزىمبايەۆ، «قازمۇنايگاز» ۇ ك» ا ق ۆيتسە- پرەزيدەنتى قايرات شارىپبايەۆ، «قازترانسگاز» ا ق باس ديرەكتورى رۋستام سۋلەيمانوۆ قاتىستى.
اۆتور: مارلان جيەمباي
