قازاقستانعا ۆەتنام پارلامەنتىنىڭ ءتوراعاسى العاش رەت كەلەدى
دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.
بۇل ۆەتنام پارلامەنتى ءتوراعاسىنىڭ ەكىجاقتى قارىم- قاتىناس ورناعان 25 جىلدىڭ ىشىندەگى ءبىرىنشى ساپارى. ايتا كەتكەن ءجون، نگۋەن تحي كيم نگان ۆەتنامدا ەل پارلامەنتىن باسقارعان العاشقى ايەل. قازاقستانعا ساپارى الدىندا ۆەتنامدىق تاراپتىڭ باستاماسىمەن نگۋەن تحي كيمنىڭ وسى مەملەكەتتەگى قازاقستان ەلشىسى بەكەتجان جۇماحانوۆپەن كەزدەسۋى ءوتتى. جۇزدەسۋ بارىسىندا ۆ س ر ۇلتتىق جينالىسىنىڭ ءتوراعاسى ۆەتنام مەن قازاقستاننىڭ ساياسي، ساۋدا- ەكونوميكالىق، مادەني- گۋمانيتارلىق، تۋريستىك جانە وزگە دە سالالارداعى ىنتىماقتاستىقتى دامىتۋداعى جەتىستىكتى جوعارى باعالادى. ءوز كەزەگىندە ب. جۇماقانوۆ، قازاقستان ۆەتنامدى وڭتۇستىك- شىعىس ازياداعى ماڭىزدى ساياسي جانە ەكونوميكالىق ارىپتەسى رەتىندە سانايتىندىعىن ءمالىم ەتتى.
سونداي- اق، قازاقستاندىق تاراپتىڭ ۆەتنام ۇلتتىق جينالىسى ءتوراعاسىنىڭ الداعى ساپارىنىڭ تابىستى بولۋىنا، ەكىجاقتى قارىم- قاتىناستىڭ دامۋىنا بار كۇشىن جۇمسايتىندىعىن جەتكىزدى. ەسكە سالا كەتسەك، 2015 -جىلدىڭ 27-31- ناۋرىزىندا ۆەتنامعا ق ر پارلامەنتى ءماجىلىسىنىڭ ءتوراعاسى قابيبۋللا جاقىپوۆ رەسمي ساپارمەن بارعان ەدى. ول ۆ س ر پرەزيدەنتى چىونگ تان شانگومەن جانە سول كەزدەگى ۇلتتىق جينالىستىڭ ءتوراعاسى نگۋەن شين حۋنگومەن كەزدەسكەن بولاتىن. سونداي- اق ۆەتنامداعى ق ر ەلشىلىگىنىڭ اشىلۋ سالتاناتىنا قاتىسقان.
