داۋرەن ابايەۆ قازاق-قىرعىز شەكاراسىنداعى وقيعاعا قاتىستى پىكىر ءبىلدىردى
ءمينيستردىڭ ايتۋىنشا، بۇل اپتادا قازاقستان مەملەكەتتىك شەكاراسىنىڭ بارلىق پەريمەترلەرى بويىنشا باقىلاۋ كۇشەيدى. الايدا، قىرعىزستان پرەزيدەنتى المازبەك اتامبايەۆتىڭ پىكىرىنەن باق قازاقستان مەن قىرعىزستان اراسىنداعى اۋماققا ەرەكشە ءمان بەرىپ وتىر.
«جوسپارلى جۇمىستار ءجۇرىپ جاتىر. قازاقستاننىڭ مەملەكەتتىك شەكاراسىنىڭ بارلىق پەريمەترلەرى بويىنشا باقىلاۋ كۇشەيدى. بۇقارالىق اقپارات قۇرالدارى اتامبايەۆتىڭ مالىمدەمەسىنەن كەيىن قازاقستان مەن قىرعىزستان اراسىنداعى اۋماققا ەرەكشە ءمان بەرىپ وتىر. مەنىڭ بىلۋىمشە پرەزيدەنتتىك سايلاۋعا بايلانىستى مۇنداي قاۋىپسىزدىك شارالارى وزگە دە ىرگەلەس مەملەكەتتەرمەن جۇرگىزىلەدى. بۇل قالىپتى تاجىريبە»، - دەدى مينيستر.
داۋرەن ابايەۆتىڭ سوزىنە قاراعاندا قىرعىزستانمەن شەكاراداعى قازاقستاننىڭ شەكارالىق قىزمەتى ادامداردى، كولىك قۇرالدارىن، جۇكتەر مەن تاۋارلاردى تەكسەرۋدى كۇشەيتكەن. سونداي-اق، شەكارانى كەسىپ وتۋگە ەشقانداي شەكتەۋلەر مەن تىيىمدار سالىنباعان.
«سوڭعى ءۇش كۇندە قىرعىز تاسىمالداۋشىلارىنىڭ كولىك جانە كەدەن زاڭناماسىن بۇزۋ فاكتىلەرى كوپتەپ بايقالدى. وسىلايشا، تەكسەرۋدەن وتكەن 447 كولىك قۇرالىنىڭ اراسىنان ورەسكەل زاڭ بۇزعان 78 اۆتوكولىك انىقتالدى. ولاردان سالماق گاباريتىنىڭ پارامەترلەرىن اسىرۋ، كابوتاجدىق تاسىمالدار، قازاقستاندىق رۇقساتنامانىڭ بولماۋى جانە وزگە دە زاڭ بۇزۋشىلىقتار تابىلعان. ودان بولەك، جەتى جولاۋشىلار اۆتوبۋسى تۇراقتى جولاۋشىلار تاسىمالىنا رۇقساتتىڭ بولماۋىنان ايىپ تۇراعىنا ورنالاستىرىلدى. جوعارىدا اتالعان زاڭ بۇزۋشىلىقتار ءۇشىن جالپى سوماسى 3 ميلليون تەڭگەگە اكىمشىلىك ايىپپۇل سالىندى»، - دەدى مينيستر.
ودان بولەك، فوتوسانيتارلىق باقىلاۋدى كۇشەيتكەن ساتتەن باستاپ، بەس زاڭ بۇزۋشىلىق انىقتالدى. جالپى كولەمى 25 توننا ازىق-تۇلىك قايتارىلىپ، 68 مىڭ تەڭگە كولەمىندە ايىپپۇل سالىنعان.
«قازاقستان مەن قىرعىزستان شەكاراسىنداعى جاعداي تۋرالى ق ر ۇكىمەتى ەل ازاماتتارىنا تۇراقتى تۇردە حابار بەرىپ وتىرادى»، - دەپ حابارلادى مينيستر.
قىرعىزستاننىڭ شەكارا قىزمەتى رەسپۋبليكا پرەزيدەنتىن سايلاۋدى وتكىزۋ جانە وعان دايىندالۋ كەزىندە 2017 -جىلدىڭ 10 -قازانى كۇنى ساعات 20:00-دەن باستاپ قازاقستان ازاماتتاردى جانە كولىك قۇرالدارىن وتكىزۋ باقىلاۋدىڭ كۇشەيتىلگەن رەجىمىنە اۋىستى. قىرعىزستاندىق تاراپتان دا شەكارالىق باقىلاۋدان وتۋدە ەش شەكتەۋ جوق.
سول كۇنى ق ر ۇ ق ك شەكارا قىزمەتى مەملەكەتتىك شەكارانىڭ بارلىق پەريمەترلەرى بويىنشا جوسپارلى وپەراتسيا جۇرگىزەتىندەرىن مالىمدەدى. شەكارانى كەسىپ وتۋدە شەكتەۋلەر مەن تىيىمدار بولعان جوق، الايدا شەكارادان وتكەن جولاۋشىلاردى، كولىك قۇرالدارىن، جۇكتەر مەن تاۋارلاردى تەكسەرۋ كۇشەيگەن.
كەلەسى كۇنى ق ر ۇ ق ك سايلاۋ كۇنى جاپپاي تارتىپسىزدىكتەرگە دايىندىق تۋرالى قىرعىز بيلىگىنىڭ مالىمدەمەسىنەن كەيىن قازاقستان اۋماعىنا قىلمىستىق ەلەمەنتتەردى كىرگىزبەۋ بويىنشا قوسىمشا شارالار قابىلداپ جاتقانىن حابارلادى.
جوسپارلى وپەراتسيا اياسىندا ق ر شەكارا قىزمەتى ەكونوميكالىق كونتراباندا، شەكارالىق رەجىم مەن كوشى- قون زاڭناماسىن بۇزۋ جانە وق-دارىلەردى تاسۋعا ارەكەتتەنۋ سەكىلدى فاكتىلەردى انىقتادى.
«تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقبايەۆ مۇنداي «جاعىمسىز وپەراتسيالاردى» جۇرگىزۋدىڭ باستى سەبەبى قىتايدان قىرعىزستانعا تومەن باعامەن تاۋار جەتكىزىپ، ونى قازاقستان مەن رەسەيگە كەرى ەكسپورتتايتىن «تاسىلدەرىمەن» كۇرەس دەپ ەسەپتەيدى.
