09:24, 16 - قازان 2017 | GMT +5
اۋلانعان بالىقتىڭ كەسىرىنەن بالىقشى و دۇنيەگە اتتانىپ كەتە جازدادى
استانا. قازاقپارات - بريتاندىق بالىقشىنى اۋزىنا سەكىرىپ كىرىپ كەتكەن بالىقتان سوڭ جەدەل جانساقتاۋ بولىمىنە جەتكىزۋگە تۋرا كەلدى، دەپ حابارلايدى بي-بي-سي.
28 جاستاعى سەم كۆيلليام ءوزىنىڭ ءساتتى بالىق اۋلاۋىنا وراي جانە جەرگىلىكتى ءداستۇر بويىنشا العاشقى اۋلانعان بالىقتى سۇيگەن. ءبىراق سول مەزەتتە ۇزىندىعى 14 سانتيمەترلىك كامبالا تۇقىمداس تەڭىز بالىعى قولىنان سۋسىپ شىعىپ كەتىپ، بالىقشىنىڭ اۋزىنا كىرىپ كەتتى، دەيدى ونىڭ جانىندا بولعان دوسى. ەر ادام تۇنشىعىپ، تىنىسى تارىلىپ ءتىپتى دەم الا الماي قالعان. جەدەل جاردەم قىزمەتكەرلەرى كولىك ىشىندە زارداپ شەگۋشىنىڭ تاماعىندا تۇرىپ قالعان بالىقتى قىسقاشتىڭ كومەگىمەن سۋىرىپ، ونى اجالدان الىپ قالدى.
بۇل وقىس وقيعا بريتاندىق بورنمۋت قالاسى ماڭىنداعى تەڭىز جاعاسىندا ورنالاسقان بوسكومب كۋرورتتى اۋماعىنا بولعان.
