قازاقستاندا پويىز قوزعالىسى جىلدامدايدى
«240 شاقىرىمدا رەلستەردىڭ جولتاباندارى تۇگەلدەي اۋىستىرىلدى. 70 شاقىرىمعا ورتاشا جوندەۋ جۇمىستارى جۇرگىزىلدى. 7,5 مىڭ شاقىرىمدىق ماگيسترالدىق جەلى بويىندا اۋىر جول ماشينالارىمەن رەلس تۇزەتۋ، جوندەۋ، توپىراق قاباتىن قايتا جاڭعىرتۋ جۇمىستارى اتقارىلدى» ، - دەيدى «ق ت ج» ۇ ك» ا ق فيليالى - ماگيسترالدىق جەلى ديرەكتسياسىنىڭ جول جانە يماراتتار دەپارتامەنتىنىڭ ديرەكتورى امانقوس بايماعامبەتوۆ.
«قازاقستان تەمىر جولى» ۇ ك» ا ق باسپا ءسوز قىزمەتىنىڭ حابارلاۋىنشا، ماگيسترالدىق جەلىنىڭ دەر كەزىندە جوندەۋدەن وتكىزىلۋى ناتيجەسىندە جولاۋشىلار پويىزى 104 شاقىرىمدىق جول تەلىمىندە، «تۇلپار- تالگو» پويىزدارى 76 شاقىرىمدىق جول تەلىمىندە، كونتەينەرلىك پويىزدار 43 شاقىرىمدا، جۇك قوزعالىسى رەسپۋبليكالىق تەمىر جولدارىندا 86 شاقىرىمدىق جەلىدە قوزعالىس جىلدامدىعىن بۇرىنعىدان ارتتىرا الادى. قازىرگى تاڭدا ماگيسترالدىق جەلىدەگى تەمىرجول نىساندارىن قالىپتى ۇستاۋ مەن پايدالانۋ جۇمىستارىن جاقسارتۋ شارالارى بەلگىلەنگەن كەستەگە وراي جالعاسۋدا. جوسپارلى تاپسىرمانى ۋاقىتىندا ورىنداۋ مەجەلەنىپ وتىر.
