ت م د ەلدەرى باسشىلارى وتباسىلىق قۇندىلىقتاردى قولداۋ تۋرالى مالىمدەمە قابىلدادى
جيىندا مەملەكەت باسشىلارى ت م د اياسىنداعى ءوزارا ءىس- قيمىلدى ودان ءارى نىعايتۋ جولدارىن تالقىلاپ، دوستاستىقتىڭ تيىمدىلىگىن ارتتىرۋ مەن وعان مۇشە ەلدەردىڭ ساۋدا جانە ينۆەستيتسيالىق بايلانىستارىن تەرەڭدەتۋ ماسەلەلەرى جونىندە پىكىر الماستى. سونىمەن بىرگە، وتىرىستا تاجىكستان رەسپۋبليكاسىنىڭ ت م د- عا ءتوراعالىق ەتۋ كەزەڭىندە اتقاراتىن جۇمىس جوسپارى، تۇرىكمەنستاننىڭ دوستاستىقتى ودان ءارى دامىتۋعا قاتىستى ۇستانىمى جانە ت م د- نىڭ پارلامەنتارالىق اسسامبلەياسى اياسىندا اتقارىلعان جۇمىس ناتيجەلەرى تىڭدالدى.
كەڭەس وتىرىسىنىڭ قورىتىندىسى بويىنشا سىبايلاس جەمقورلىققا جانە قىلمىستىق جولمەن الىنعان تابىستاردى زاڭداستىرۋعا قارسى كۇرەس سالاسىنداعى قۇجاتتارعا قول قويىلدى. بۇدان بولەك، ت م د ەلدەرىنىڭ باسشىلارى مادەنيەت، ءبىلىم بەرۋ، عىلىم جانە تۋريزمگە قاتىستى بايلانىستاردى نىعايتۋعا ءارى كەڭەيتۋگە باعىتتالعان گۋمانيتارلىق سالاداعى ءبىرقاتار ماڭىزدى شەشىمدەردى قاراستىرىپ، وتباسىن جانە ءداستۇرلى وتباسىلىق قۇندىلىقتاردى قولداۋ تۋرالى مالىمدەمە قابىلدادى.
