تۇركىمەندەر بۇدان بىلاي گاز بەن سۋ جانە تۇزدى تەگىن تۇتىنا المايدى

 استانا. قازاقپارات - اقساقالدار كەڭەسىندە ءسوز سويلەگەن ەل پرەزيدەنتى عۇربانع ۇلى بەردىمۇحامەدوۆ ەلەكتر، گاز، سۋ جانە تۇزدى تۇتىنۋدى كەزەڭ- كەزەڭىمەن اقىلى جۇيەگە كوشىرۋ كەرەكتىگىن ايتتى.

 بۇل تۋرالى ca-news.org  جازادى.

«سول جىلدارى تەڭدەسسىز ەرەكشە جەڭىلدىكتەردىڭ ۇسىنىلۋى - الەمدەگى قيىن ەكونوميكالىق جاعداي كەزىندە جاقسى ءومىر قالىپتاستىرۋ، ازاماتتاردى نارىقتىق ەكونوميكاعا بەيىمدەۋ»، - دەلىنگەن حابارلامادا.

«نارىقتىق قاتىناستار جاعدايىنداعى ەلدىڭ تەرەڭ ەكونوميكالىق جاعدايى ۇلتتىق بايلىقتى ۇنەمدى پايدالانۋدى تالاپ ەتەدى. حالىق تابىسىنىڭ ارتۋى، جۇمىس ونىمدىلىگىنىڭ جوعارىلاۋى الەۋمەتتىك جەڭىلدىكتەردى اقىلى ەتۋگە مۇمكىندىك بەرەدى»، - دەلىنگەن باسپا ءسوز قىزمەتىندە.

ەسكە سالساق، وسىعان دەيىن تۇركىمەنستان حالقى گازدى، ەلەكتر ەنەرگياسىن جانە سۋدى ەشقانداي ليميتسىز تەگىن تۇتىنىپ كەلگەن بولاتىن. وسىعان دەيىن بۇل الەۋمەتتىك كومەكتەردى اقىلى ەتۋ تۋرالى العاش رەت 2015 -جىلى ءسوز بولعان. كەيىن 2016 -جىلى بەردىمۇحامەدوۆ بۇل ۇسىنىسقا كەلىستى. ءبىراق، كەيىن پرەزيدەنت كەنەتتەن ەل بيۋدجەتى اتالعان جەڭىلدىكتەردى تەگىن كۇيىندە ساقتاۋعا مۇمكىندىك بەرەتىنىن جاريالاعان. ەندى ءبىر جىل وتە سالىسىمەن پرەزيدەنت قايتادان جەڭىلدىك جۇيەسى تولىقتاي پايداسىز دەپ، ونىڭ كۇشىن جويۋعا بۇيرىق بەردى. بۇل رەتتە جەڭىلدىكتەر بارلىعىنا بىردەي ەمەس، تەك كىمگە ناقتى قاجەتتى سول ادامدارعا عانا ۇسىنىلاتىن بولدى.

http://turkystan.kz