قازاقستان قىتايدىڭ اتوم ەلەكتر ستانساسىن ۋران وتىنىمەن قامتاماسىز ەتەدى - بوزىمبايەۆ
ءمينيستردىڭ دەرەگىنشە، بۇگىندە قازاقستان ۋران وندىرۋدە كوشباسى ەل سانالادى. «قاز اتوم ونەركاسىپ» ۇلتتىق كومپانياسى مەن ونىڭ سەرىكتەس، ەنشىلەس كومپانيالارى، بىرلەسكەن كاسىپورىندارى الەمدىك نارىققا تابيعي ۋراننىڭ شامامەن 40 پايىزىن شىعارىپ وتىر.
«بۇل ءىس جۇزىندە جاقسى دا. ءبىراق، ءبىزدىڭ سالا الدىنا قويىپ وتىرعان مىندەتىمىز - الەمدىك نارىقتا ۋران ءوندىرۋ مەن ساتۋدا الەمدىك كوشباسشى بولىپ قالا بەرۋدى جالعاستىرۋ، مۇنىمەن عانا شەكتەلمەي جوعارى وڭدەلگەن ءونىمدى ساتۋ بويىنشا جاھاندىق ءىرى ويىنشىعا بىرتىندەپ اينالۋ. ول دەگەنىمىز اتوم ستانسالارى ءۇشىن وتىن شىعارۋ جانە قازاقستان وسى جولدا ىلگەرىلەپ كەلەدى»، - دەدى مينيستر.
وسى رەتتە ول قازىرگى ۋاقىتتا ەلىمىزدىڭ ۋران سالاسىندا ءبىرقاتار قايتا وڭدەلگەن ءونىم جوق ەكەندىگىن ەسكە سالىپ ءوتتى.
«وزدەرىڭىزدە بىلەتىندەي، قازاقستاندا ءبىرقاتار قايتا وڭدەلگەن ءونىم جوق. سوندىقتان دا رەسەيلىك سەرىكتەستەرمەن بىرلەسكەن كاسىپورىن قۇرىلدى. وندا ۋراندى بايىتۋ وپەراتسيالارىن جۇرگىزۋگە بولادى. قازىرگى ۋاقىتتا ءبىز بۇل ماسەلەمەن جۇمىس ىستەپ جاتىرمىز جانە 2019 -جىلى قىتايلىق سەرىكتەسەرمەن وتىندىق جيىنتىقتاردى شىعاراتىن زاۋىت قۇرىلىسى اياقتالادى. ال 2019-2020 -جىلدارى اتالعان وتىن جيىنتىعىمەن قىتايدىڭ العاشقى 5 ەلەكتر ستانساسىن قامتاماسىز ەتە باستايمىز»، - دەدى بوزىمبايەۆ.
اۆتور: مارلان جيەمباي
