ديماش قۇدايبەرگەن قازپوشتانىڭ كەلبەتى اتاندى
«از عانا ۋاقىت ىشىندە ءوز كاسىبي سالاسىندا اسا زور تابىسقا جەتىپ، مۋزىكا تاريحىنا وشپەستەي ەتىپ ءوز ەسىمىن جازعان، الەمدىك دەڭگەيدەگى جارىق جۇلدىزىمىز ديماش قۇدايبەرگەنمەن ىنتىماقتاستىق بايلانىس ورناتقانىمىزدى قۋانا جەتكىزەمىن. الەم حالىقتارىن ءوز شىعارماشىلىعىمەن ۇيىتا بىلگەن ديماش ءبىزدىڭ كومپانيامىزدىڭ باستى يدەياسىن بەينەلەيدى - ءتۇرلى ەلدەر مەن قالالاردىڭ حالقىن بىرىكتىرەدى. كومپانيا قاشاندا يننوۆاتسيالارعا، تەحنولوگيالار مەن جوعارى ساپالى سەرۆيستەرگە ۇمتىلادى. قازپوشتا قازاقستاندىقتاردىڭ قىسقا ۋاقىت ىشىندە بارىنشا ساپالى قىزمەتتەردى پايدالانۋى ءۇشىن جۇمىس ىستەيدى. مەن ءبىزدىڭ ديماشپەن ىنتىماقتاستىعىمىزدىڭ تابىستى دا قىزىقتى بولاتىنىنا سەنەمىن، - دەدى «قازپوشتا» ا ق باسقارما ءتوراعاسى ساكەن سارسەنوۆ.
ديماش قۇدايبەرگەن - ۆيتەبسك قالاسىندا وتكەن «سلاۆيان بازارى-2015» بايقاۋىنىڭ گران- پري، MTV Music Awards پرەميالارىنىڭ يەگەرى، نوميناتسيالارى: «ازيانىڭ ەڭ تانىمال ءانشىسى» ، «حالىقارالىق دەڭدەيدەگى ەڭ تانىمال ءانشى» ، «جىلدىڭ ەڭ ۇزدىك ءانشىسى» جانە «ەڭ تانىمال شەتەل ءانشىسى» . ديماش قىتايدا وتكەن Singer-2017 بايقاۋىنىڭ فينالىندا ەكىنشى ورىن الۋ ارقىلى الەمدىك دەڭگەيدەگى تانىمالدىققا يە بولدى.
«سوڭعى كەزدەرى مەن قازپوشتانىڭ قىزمەتتەرىن ءجيى پايدالانامىن، الەمنىڭ تۇكپىر- تۇكپىرىنەن ءوز جانكۇيەرلەرىمنەن حاتتار مەن سىيلىقتار الىپ تۇرامىن. مەن ەلىمىزدىڭ پوشتاسىنىڭ قىزمەت كورسەتۋ دەڭگەيى مەن دامۋ قارقىنىنا شىن پەيىلىممەن قايران قالامىن. ارينە، قازپوشتا الەۋمەتتىك كومپانيا، ول قازاقستاندىقتاردىڭ، ءتىپتى ەڭ شالعاي اۋىلداردا پوشتالىق جانە قارجىلىق قىزمەتتەردى الۋعا مۇمكىندىك بەرەدى، وسىلايشا ەلىمىزدىڭ بارلىق وڭىرلەرىن بىرىكتىرەدى. ونىڭ الەۋمەتتىك ءرولى جانە سونىمەن بىرگە زاماناۋيلىعى مەن تەحنولوگيالىلىعى ماعان ۇنايدى. مەن قازپوشتانىڭ ودان ءارى كوركەيىپ، گۇلدەنە بەرۋىن تىلەيمىن» ، - دەدى ديماش قۇدايبەرگەن.
«قازپوشتا» اق ۇلتتىق پوشتا وپەراتورى قازىرگى كۇنى پوشتالىق، لوگيستيكالىق جانە قارجىلىق قىزمەتتەردىڭ كەڭ سپەكترىن ۇسىنادى. قازاقستان بويىنشا ەڭ اۋقىمدى بولىمشەلەر جەلىسى مەن 23 مىڭنان استام قىزمەتكەرى بار كومپانيا جاڭا قىزمەتتەر مەن سەرۆيستەردى ەنگىزۋدى جالعاستىرا بەرەدى. قازىردىڭ وزىندە قازاقستانعا شەتەلدەردەن كۇنىنە 21,4 مىڭنان استام سالەمدەمە جەتكىزىلەدى، ءارى كۇندەلىكتى 12,4 مىڭ سالەمدەمە قازاقستان بويىنشا تۇرعىندارعا جىبەرىلەدى. 2020 -جىلعا قاراي بۇل نارىق كۇنىنە 300 مىڭ سالەمدەمەگە دەيىن وسەدى دەگەن جوسپار بار. بۇل وسىمگە سالەمدەمەلەردى جەتكىزۋ مەرزىمدەرىن قازاقستان بويىنشا 15 كۇننەن 6 كۇنگە دەيىن (ەكسپرەسس- جەتكىزۋ - كۇنبە- كۇن) ، ال باسقا مەملەكەتتەردەن 45 كۇننەن 18 كۇنگە دەيىن (7-10 كۇن ەكسپرەسس- جەتكىزۋ) قىسقارتۋ بويىنشا جوبالار دا ىقپال ەتەدى.
