يۋنەسكو اتقارۋ كەڭەسى باس ديرەكتوردى نەگە سايلاي المادى

استانا. قازاقپارات - بىرىككەن ۇلتتار ۇيىمىنىڭ ءبىلىم، عىلىم جانە مادەنيەت ماسەلەلەرى جونىندەگى اتقارۋ كەڭەسى (يۋنەسكو) دۇيسەنبى كۇنى ءبىرىنشى تۋردا ۇيىمنىڭ جاڭا باس ديرەكتورىن سايلاي المادى، دەپ حابارلايدى «قازاقپارات» ح ا ا تاسس- قا سىلتەمە جاساپ.

ۇمىتكەرلەردىڭ ءبىر دە بىرەۋى ءبىرىنشى كەزەڭدە قاجەتتى قولداۋعا يە بولا المادى.

سەيسەنبى كۇنى كەڭەستىڭ 58 قاتىسۋشى-ەلى قايتا جينالادى. ازىرگە ءبىرىنشى تۋردىڭ ناتيجەسى بويىنشا كاتارلىق ۇمىتكەر كوش باستادى. الايدا، ول جەڭىسكە جەتۋ ءۇشىن ءتيىستى 30 داۋىسقا يە بولا المادى. العاشقى ۇشتىككە فرانسيا مەن ەگيپەت كىردى.

كەڭەستىڭ ەرەجەسى بويىنشا، قاجەت بولعان جاعدايدا سايلاۋدىڭ بەس تۋرى وتكىزىلەدى. ەگەر سوڭعى راۋندتا دا جەڭىمپاز انىقتالماسا، باس ديرەكتور جەرەبەمەن تاڭدالىنادى.

العاشقىدا يۋنەسكو باس ديرەكتورى قىزمەتىنە توعىز ۇمىتكەر ۇسىنىلدى، كەيىن گۆاتەمالا مەن يراك قوسىلدى. وسىلايشا، قازىرگى تاڭدا سايلاۋعا ازەربايجان (ازەربايجاننىڭ ر ف- تەگى ەلشىسى، كومپوزيتور جانە عالىم پولاد بيۋلبيۋلوگلى)، قىتاي (يۋنەسكو باس ديرەكتورىنىڭ ءبىلىم بەرۋ ماسەلەلەرى جونىندەگى ورىنباسارى، ديپلومات سيان تان)، ەگيپەت (قۇقىق قورعاۋشى جانە وتباسى ىستەرى جونىندەگى بۇرىنعى مينيستر مۋشيرا حاتتاب)، ليۆان (مادەنيەت ءمينيسترىنىڭ كەڭەسشىسى ۆەرا ەل- حۋري لاكەي)، ۆەتنام (س ءى م باسشىسىنىڭ ورىنباسارى فام سۋان شون)، كاتار (بۇرىنعى مادەنيەت، ونەر جانە مۇرا ءمينيسترى حاماد بين ابدۋلازيز ال-كاۆاري)، فرانسيا (بۇرىنعى مادەنيەت جانە كوممۋنيكاتسيالار ءمينيسترى ودري ازۋلە).

اتقارۋ كەڭەسى سايلاۋدى جۇماعا، 13 -قازانعا دەيىن اياقتايدى دەپ جوسپارلانىپ وتىر.