08:02, 10 - قازان 2017 | GMT +6
شىڭعىس حان تۋرالى فيلم «وسكار» سىيلىعىنا ۇسىنىلدى
استانا. قازاقپارات - «شىڭعىس حاننىڭ ۇرپاقتارى» اتتى موڭعول فيلمى «وسكار-2017» سىيلىعىنا ۇمىتكەر، دەپ حابارلايدى montsame.mn.
«شىڭعىس حاننىڭ ۇرپاقتارى» فيلمى «ۇزدىك شەت تىلىندەگى فيلم» نوميناتسياسى بويىنشى سىنعا تۇسپەك.
اتالعان نوميناتسياعا الەمنىڭ 92 ەلىنىڭ ۇزدىك تۋىندىلار قاتىسۋدا. فيناليستەر 2018 -جىلعى 4 -ناۋرىزدا انىقتالاتىن بولادى.
موڭعول كينورەجيسسەرى د. زولبايارانىڭ فيلمى بۇگىنگى موڭعول حالقىنىڭ مادەنيەتى مەن تىنىس تىرشىلىگىن باياندايدى.
فيلمنىڭ تۇساۋكەسەرى ۋلان-باتىر قالاسىندا 10 -قازاندا وتەدى.