07:44, 10 - قازان 2017 | GMT +6
پلاستيكالىق وتا جاساتقان قىتايلىقتار ەلىنە قايتا الماي وتىر
استانا. قازاقپارات - وڭتۇستىك كورەياعا بارىپ پلاستيكالىق وپەراتسيا جاساعان ءۇش قىتايلىق قىز ەلدەرىنە قايتا الماي وتىر، دەپ حابارلايدى Daily Mirror.
اتالعان باسىلىمنىڭ جازۋىنا قاراعاندا، قىتايلىقتار وڭتۇستىك كورەياعا كەلىپ، وپەراتسيا جاساتقان. سوسىن ەلدەرىنە قايتپاق بولعان كەزدە ولاردى كورەيا اۋەجايىنىڭ قىزمەتكەرلەرى ۇستاعان. ويتكەنى ولاردىڭ قازىرگى كەلبەتى ءتولقۇجاتتارىنداعى سۋرەتتەرگە مۇلدە سايكەسپەيدى. اۋەجاي قىزمەتكەرلەرى ولاردى تاني الماي وتىر. قىتايلىق قىزداردىڭ بەتتەرى داكەمەن ورالعان، ونىڭ ۇستىنە بەتتەرى قاتتى ءىسىپ كەتكەن.
ايتا كەتكەن ءجون، وڭتۇستىك كورەيادان ەلىنە جەتە الماي وتىرعان قىزداردىڭ سۋرەتتەرى قىتايلىق الەۋمەتتىك جەلىدە قىزۋ تالقىلانۋدا.
باسىلىم قىزداردىڭ ودان كەيىنگى جاعدايلارى تۋرالى حابارلاعان جوق.
