ەگيپەتتە ەحناتون پەرعاۋىننىڭ «باسى» تابىلدى

استانا. قازاقپارات - ارحەولوگتار ءنىلدىڭ شىعىس جاعالاۋىنداعى تەل-ءال-امارنادان ەحناتون پەرعاۋىننىڭ جاقسى ساقتالعان باس ءمۇسىنىن تاپتى، دەپ جازادى بەلتا.

ستاتۋيا باسىنىڭ ۇزىندىعى - 13,5 سانتيمەتر، ال ەنى - 8 سانتيمەتر. زەرتتەۋشىلەر قازىرگە ەجەلگى ءمۇسىننىڭ مۇنشالىقتى جاقسى ساقتالۋىنىڭ سەبەبىن جانە ونىڭ جاسىن انىقتاي الماي وتىر.

ەحناتون ەجەلگى ەگيپەتتىڭ تانىمال پەرعاۋىندارىنىڭ ءبىرى، ول ءبىزدىڭ زامانىمىزعا دەيىنگى 1353-1336-جىلدارى ءومىر سۇرگەن.

ەجەلگى ەگيپەتتىڭ ءدىني جانە الەۋمەتتىك ومىرىندە كوپتەگەن وزگەرىستەر جاساعان پەرعاۋىن كۇن ديسكىسىنىڭ كەيپىندەگى اتون قۇدايعا تابىنۋعا دا شاقىردى. ونىڭ تۇسىندا قۇرىلىستىڭ جاعا تەحنولوگيالارى جاسالدى، ماسەلەن، 700 مەترلىك ەحناتون اق سارايى ەجەلگى زاماننىڭ ءىرى ساۋلەت ەسكەرتكىشتەرى رەتىندە اتالادى.

دەگەنمەن ونىڭ سىرتقى ساياساتتاعى جەتىستىكتەرى كوپ بولمادى، كورشى ەلدەرمەن قاتىناستارى ناشارلاپ كەتتى. جورامالداردىڭ بىرىنە سۇيەنسەك، ەحناتون ۋلانىپ ولگەن.