مەديا نارىقتى قالىپتاستىرۋعا «استانا مەديا اپتالىعى» نەگىز بولادى - داۋرەن ابايەۆ
شارانىڭ اشىلۋ راسىمىنە قاتىسقان ق ر اقپارات جانە كوممۋنيكاتسيالار ءمينيسترى داۋرەن ابايەۆ تۇڭعىش رەت ۇيىمداستىرىلىپ وتىرعان مەديااپتالىق تەك قازاقستاندا عانا ەمەس، ايماقتاعى ورتاق مەديا نارىقتى قالىپتاستىرۋعا جانە ودان ءارى دامىتۋعا نەگىز بولادى دەپ سەنەتىندىگىن باسا ايتتى.
«وسى ورايدا ەڭ الدىمەن بۇگىنگى جيىنعا ارنايى كەلگەن شەتەلدىك ارىپتەستەرىمىزگە العىس ايتامىز. قازاقستان پرەزيدەنتى نۇرسۇلتان نازاربايەۆتىڭ تاپسىرماسىمەن ىرگەسى قالانعان «قازمەديا» ورتالىعى الداعى ۋاقىتتا ايماقتاعى ىقپالدى مەدياحاب(مەديا بىرلەستىگى - رەد.) رەتىندە ۇلكەن ءرول اتقارماق. Astana Media Week وسى ورتالىق اياسىنداعى بىرەگەي مەدياعا اينالادى دەپ سەنەمىز. تۇتاستاي العاندا بۇگىنگى شارانىڭ باستى ماقساتى وتاندىق مەديا نارىقتى دامىتۋ عانا ەمەس، مادەني جانە اقپاراتتىق بايلانىستاردى دا تەرەڭدەتۋ. بىرنەشە كۇنگە سوزىلاتىن جيىندى وسى سالاداعى سوڭعى وزگەرىستەر مەن سيفرلىق تەحنولوگيالاردى دامىتۋ، وڭىرلىك ب ا ق- تىڭ ماسەلەلەرى تالقىلانادى. وسىنىڭ بارلىعى قاتىسۋشىلار ءۇشىن وزىق تاجىريبەمەن تانىسىپ، شەبەرلىگىن شىڭداۋعا، جاڭا تەحنولوگيالاردى ەل يگىلىگىنە جاراتۋعا بەرىلگەن ۇلكەن مۇمكىندىك»، - دەدى داۋرەن ابايەۆ.
ايتا كەتەيىك، Astana Media Week اتتى مەديا اپتالىق ءبىرىنشى رەت وتكىزىلۋدە. اپتالىقتىڭ باستى ماقساتى - مەديا نارىعىنا قاتىسۋشىلاردىڭ باسىن بىرىكتىرىپ، ورتاق ءبىر الاڭدا جيناۋ، وزەكتى ورتاق ماسەلەلەردى تالقىلاپ، ولاردى شەشۋ جولدارىن ۇسىنۋ. شارا نەگىزىنەن ءۇش كۇننىڭ ىشىندە وتەدى. ءبىرىنشى كۇن «كونتەنت- ماركەت» دەپ اتالادى. وندا ۇلتتىق تەلەارنالاردان باستاپ، شاعىن جەكەمەنشىك تەلەارنالارعا دەيىن ارنايى ۇيىمداستىرىلاتىن كورمەگە قاتىسىپ، پروداكشن كومپانيالار مەن تەلەارنالاردىڭ اراسىندا تىكەلەي سۇحبات الاڭى جاسالدى. وتاندىق تەلەارنالاردىڭ مەترلەرى تەلەوندىرىس، كينو ءوندىرىس، شوۋ- بيزنەس، راديو جۋرناليستيكاسى سىندى سالالارعا قاتىستى شەبەرلىك ساباقتارىن وتكىزىپ، تاجىريبەلەرىمەن بولىسەدى. مۇنان بولەك MediaTalks الاڭى ۇيىمداستىرىلادى.
شارانىڭ ەكىنشى كۇنىندە «Astana Digital Forum» فورۋمى وتەدى. وندا ەلەكتروندىق ينتەرنەت- باسىلىمداردىڭ جاي-كۇيى تالقىعا ءتۇسىپ، قازىرگى كۇننىڭ وزەكتى تەندەنسيالارى ەلەكتروندىق ساۋدا، كريپتوۆاليۋتاعا كوشۋ سىندى وزەكتى ماسەلەلەر كوتەرىلەدى.
ال ءۇشىنشى كۇنى «وڭىرلىك ب ا ق» فورۋمى ءوتىپ، باسپا ءسوزدىڭ جاي-كۇيى، وزەكتى ماسەلەلەرى، ولاردى ساقتاپ قالۋ، ايماقتىق دەڭگەيدەگى ماسەلەلەردى كوتەرۋ، ب ا ق سالاسىنداعى زاڭنامالار، وزگەرىستەر، جۋرناليستيكا ادەبى پروبلەمالارى قوزعالادى. سونىمەن قاتار وسى ءىس- شارانىڭ اياسىندا قازاقستان باسپا ءسوز كلۋبىنىڭ ۇيىمداستىرۋىمەن «PR كۇنى» وتەدى.
