بەيجىڭدەگى فورۋمدا قازاق ەلى ۇزدىك اتانىپ، ي. ەسكەندىر كوك تۋدى جەلبىرەتتى
قازاقستان اتىنان قاتىسقان ونەرپازدار ەلدىڭ ابىرويىن اسقاقتاتىپ قايتتى.
اتالعان فورۋم اياسىندا وتكەن فەستيۆالعا 43 ەلدىڭ ونەرپازدارى قاتىسقان. اپتاعا سوزىلعان شارا ناتيجەسىندە قازاق ەلى ونەرپازدارى ۇزدىك اتانعان. فەستيۆالعا قاتىسقان ونەرپازدار اراسىندا ءانشى يبرگايم ەسكەندىر دە بار. Instagram پاراقشاسىندا «ازيا جانە افريكا ەلدەرىنىڭ ىنتىماقتاستىق فورۋم فەستيۆالىنىڭ اشىلۋ سالتاناتى ءساتتى ءوتتى. اتالمىش شاراعا الەمنىڭ 40 تان استام ەلدەرى قاتىسىپ وتىر. بارلىق قاتىسۋشى مەملەكەتتەر ىشىنەن ءتورت مەملەكەتكە عانا قۇتتىقتاۋ ءسوزى بەرىلدى. ونىڭ ءبىرى قازاق ەلى. ەلىمىزدىڭ الەم الدىنداعى بەدەلىن شەتەلگە شىققاندا بىلەسىڭ. الەمنىڭ قاي بۇرىشىندا جۇرسەكتە تۋىمىزدى بيىك، ەڭسەمىزدى تىك ۇستايىق!»، - دەپ جازدى ءانشى.
ءانشى بولىسكەن ۆيدەودان قازاقتىڭ كوك بايراعىنا جينالعانداردىڭ تاڭدانىسپەن قاراپ، قايتا-قايتا سۋرەتكە ءتۇسىرىپ جاتقان قوشامەتىن بايقاۋعا بولادى.
