07:45, 30 - قىركۇيەك 2017 | GMT +5
ەكسپو- دا وقۋشىلاردى تاسىمالداعان اۆتوبۋستار مەكتەپتەرگە بەرىلەدى
استانا. قازاقپارات - ەكسپو كورمەسى كەزىندە وقۋشىلاردى تاسىمالداعان اۆتوبۋستار مەكتەپتەرگە بەرىلەدى، دەپ حابارلايدى Elorda Aqparat.
ەكسپو قارساڭىندا اكىمدىك 65 مىڭ بالانى تاسىمالداۋ ءۇشىن اۆتوبۋستار ساتىپ العان. ول كولىكتەر ەندى قالاداعى مەكتەپ وقۋشىلارىن تاسىمالداۋ ءۇشىن پايدالانىلادى.
قالالىق قوعامدىق كولىك باسقارماسىنىڭ باسشىسى بەكمىرزا يگەنبەرديەۆتىڭ ايتۋىنشا بۇل شارۋا مىنانداي تارتىپپەن جۇزەگە اسادى: اتا- انالار مەكتەپتەرمەن كەلىسىمشارتقا وتىرادى، سوسىن قىزمەت كورسەتۋ جونىندە وپەراتورلارمەن كەلىسەدى.
«نۇر وتان» پارتياسى قالالىق فيليالىندا وتكەن استانانى دامىتۋدىڭ 2016-2020 -جىلدارعا ارنالعان باعدارلاماسى شەڭبەرىندە ەلوردانىڭ كولىكتىك كەشەنىن دامىتۋ بويىنشا وتكەن قوعامدىق تىڭداۋدا وسى ماسەلە دە تالقىلاندى.
