اليك شپەكبايەۆ مەملەكەتتىك مەكەمەلەر تۋرالى: حالىققا دەگەن قۇرمەتسىزدىكتى كوردىم

استانا. قازاقپارات - ق ر مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى اليك شپەكبايەۆ كەيبىر مەملەكەتتىك قىزمەتتى قازاقستاندىقتارعا كورسەتىلگەن قۇرمەتسىزدىك دەپ باعالادى.

بۇل تۋرالى «قازاقپارات» حابارلايدى.

«ءبىز مەملەكەتتىك قۇرىلىم ماسەلەسىنە قاتىستى وسى جەردە جانە الماتىدا تەكسەرۋ جۇرگىزدىك. ول جەردە ادام ايتسا نانعىسىز دۇنيەلەر ىسكە اسىپ جاتىر. مەن مۇندايدى ەشقاشان كورگەن ەمەسپىن. بىرىنشىدەن، بۇل - ادامدارعا دەگەن قۇرمەتسىزدىك. اسىرەسە، الماتى قالاسى الاتاۋ اۋدانى مەملەكەتتىك كىرىس باسقارماسىنا قاتىستى ايتىپ جاتىرمىن. ءبىز ولارعا بارلىعىن بەلگىلى ءبىر مەرزىمگە دەيىن تۇزەتۋگە مۇمكىندىك بەردىك. قايتا بارىپ بارلىعىن تەكسەرەمىز. ازىرگە باسقا ايماقتارعا بارىپ ۇلگەرمەدىك. ەندى شىعىس قازاقستان مەن باتىس قازاقستانعا بارۋدى جوسپارلاپ وتىرمىز. جىل سوڭىنا دەيىن بارلىق ايماققا بارىپ ۇلگەرەمىز دەگەن ويدامىن. مەن قىزمەت كورسەتەتىن بارلىق ورتالىققا كىرىپ شىعۋعا تىرىسامىن. مۇنىمەن قاتار، ءدال قازىر وسى ءسوزىمدى ەستىپ وتىرعان باسقارۋشىلارعا دا جولىعامىن»، - دەيدى ول.

اليك شپەكبايەۆ بارلىق جەردە ەلەكتروندى كەزەك ماسەلەسىن قاراستىرىپ، ادامدارعا ىڭعايلى جاعداي جاساۋعا تاپسىرما بەردى. مۇنىمەن قاتار، كوپتەگەن مەملەكەتتىك قىزمەتتى ەلەكتروندى فورماتقا اۋىستىرۋدى تالاپ ەتتى. «قاجەتسىز كەدەرگىلەر جاساپ العان ەكەن. حالىققا بەتپە-بەت وتىرىپ قىزمەت كورسەتكەن ءجون. بارلىق اينەكتەردى الىپ تاستاۋ قاجەت»، - دەپ قورىتتى ءسوزىن شپەكبايەۆ.

جارتى جىل ىشىندە 414 تەكسەرىس جۇرگىزىلپ، ونىڭ 231 ىندە زاڭ بۇزۋشىلىق تىركەلگەن. 262 قىزمەتكەر تارتىپتىك جاۋاپكەرشىلىككە تارتىلعان. %50,4 جاعدايدا مەملەكەتتىك قىزمەتكەر قۇجاتتى تولىق اكەلمەگەن ادامعا كورسەتكەن قىزمەتى ءۇشىن، %40,9 جاعدايدا قاجەتسىز  قۇجاتتى تالاپ ەتكەنى ءۇشىن، %5 جاعدايدا مەملەكەتتىك قىزمەتتى دۇرىس كورسەتپەگەنى ءۇشىن جازالانعان. ازاماتتار تاراپىنان 295 شاعىم كەلىپ تۇسكەن. وسىعان وراي 138 جوسپاردان تىس تەكسەرىپ جۇرگىزىلىپ، 80 مەملەكەتتىك قىزمەتكەر تارتىپتىك جاۋاپكەرشىلىككە تارتىلعان.