جاپون «كاتاناسى» تۋرالى نە بىلەسىز؟

قىلىشتىڭ ۇزىندىعى - 2-2,5 سياكۋ. ياعني 60,6-75,7 س م. ال جالپى ۇزىندىعى 85-105 س م. ەگەر اتالعان ۇزىندىقتان قىسقا بولسا بۇل «كاتانا» دەپ اتالمايدى. ونى «ۆاكيدزاسي» دەپ اتايدى. ال كەرىسىنشە ۇزىن بولىپ كەتسە «وكاتانا» دەپ اتاعان. سالماعى - 750-1000 گ.
كاتانا تاريحى
جاپون كاتاناسى 15 عاسىردا پايدا بولىپ، 19 عاسىرعا دەيىن پايدالانىلعان. كاتانا سامۋرايلاردىڭ ءداستۇرلى قارۋى. قارۋ- جاراق سىنشىلارى كاتانا ەجەلگى قىتايدىڭ «مياو داو» قىلىشىنا ۇقسايدى دەيدى. ءتىپتى كاتانانىڭ دا جالعان جانە شىنايى ءتۇرى بولادى. جالعان كاتانانى قىلىشتىڭ جۇزىنە قاراپ بىردەن بىلۋگە بولادى. كاتانانى كەز كەلگەن ادام پايدالانا المايدى. ونىڭ ەرەكشەلىگى دە وسىندا بولىپ تۇر. كاتانانى بەلدىڭ سول جاعىنا ورنالاسقان قىنعا سالعان. سونىمەن قاتار ءجۇزىن ىشكە ەمەس سىرتقا قاراتىپ سالادى. ياعني قىلىشتىڭ ءجۇزى قولدىڭ سىرتىنان بايقالادى. ءدال سول سەكىلدى كاتانانى سول قولمەن سۋىرىپ، سول قولمەن پايدالانعان.
كاتانانى دايىنداۋ بىرنەشە ايعا سوزىلادى. ونى جاساۋ ءتۇرلى كەزەڭدەردەن وتەدى. مىستاعى كومىرقىشقىلى مەن توپىراق ارقىلى ونىڭ ءجۇزى جاسالادى. بۇل ونىڭ جەڭىل ءارى وتكىر بولۋىنا سەپتىگىن تيگىزەدى. جاپون ۇستالارى تۋرالى الەم كىتاپتارىندا كوپ جازىلادى. سەبەبى ولاردىڭ ابىرويى اسقاق. اتاپ ايتقاندا تاريحتان بەلگىلى ماسامۋنە، مۋراماسا ەسىمدەرى وسى قاتارعا جاتادى. ولاردىڭ جاساعان قىلىشتارى اڭىز بويىنشا ەرەكشە كۇشە يە بولعان. ولاردىڭ دايىنداعان كاتانالارى سامۋرايدىڭ جانى بولىپ ەسەپتەلگەن. بۇل ءسوزىمىزدىڭ جانى بەر دەسەك، سول كەزدە كاتانانى «سامۋراي جانى» دەپ تە اتاعان. قىلىشتىڭ وتكىرلىگى سونداي سىلتەگەن كەزدە الدىندا تۇرعان زاتتى ەكىگە قاق ايىراتىن بولعان. ءتىپتى ونىڭ وتكىرلىگى جايىندا جاپون ەرتەگىلەرى مەن اڭىزدارى كوپ جازعان. كەيىنگى ءتۇسىرىلىپ جۇرگەن فيلمدەرگە قاراساڭىزدار دا كاتانانىڭ ەرەكشەلىگىن اشىپ كورسەتۋگە تىرىسقانىن بايقايسىز.
Massaget.kz