تەڭگە باعامى كۇشەيۋى ابدەن مۇمكىن - دانيار اقىشەۆ
سەبەبى الداعى ۋاقىتتا تەڭگەنىڭ باعامى كۇشەيۋى ابدەن مۇمكىن، دەپ حابارلايدى قازاقپارات ءتىلشىسى.
«وسى سالادا پايدا كورگىسى كەلەتىن ازاماتتار مەن كاسىپورىندارعا ايتارىم، تەڭگە باعامى وزگەرگەن كەزدە ۆاليۋتا ايىرباستاۋ بەكەتتەرىنە جاپپاي جۇگىرىپ، ودان تابىس كورۋدىڭ قاجەتى جوق. ۇتىلۋىڭىز ابدەن بولادى. سەبەبى قازىرگى ماكروەكونوميكالىق جاعداي تۇراقتى. بىزدىڭشە، الداعى ۋاقىتتا تەڭگەنىڭ باعامى كۇشەيۋى ابدەن مۇمكىن. سوندىقتان ءدال قازىر ۆاليۋتا ساتىپ الىپ جاتقاندار ۇتىلادى»، - دەدى اقىشەۆ جۋرناليستەرگە بەرگەن سۇحباتىندا.
بانك باسشىسىنىڭ ايتۋىنشا، قازىرگى جاعداي تۇراقتى جانە تەڭگە باعامىنا كەرى اسەرىن تيگىزبەۋى ءتيىس. سەبەبى مۇناي-گازدىڭ باعاسى كوتەرىلىپ كەلەدى. دەمەك، قازاقستاننىڭ ودان تۇسەتىن تابىسى دا ارتادى. «ساۋدا ارىپتەستەرىمىزدە دە جاعداي تۇراقتى. ول مەملەكەتتەردە ايىرباستاۋ باعامى دا تۇراقتى. سول سەبەپتى الاڭداۋعا نەگىز جوق»، - دەپ اتاپ كورسەتتى اقىشەۆ.
اۆتور: ارمان اسقاروۆ
