00:04, 23 - قىركۇيەك 2017 | GMT +5
ەردوعاننىڭ ا ق ش- تا ءسوز سويلەۋى كەزىندە زالدا توبەلەس بولدى
استانا. قازاقپارات - تۇركيا پرەزيدەنتى رەدجەپ ەردوعاننىڭ نيۋ- يوركتە ءسوز سويلەۋى كەزىندە ونىڭ جاقتاستارى مەن قارسىلاستارى اراسىندا توبەلەس ورىن الدى، دەپ حابارلايدى New York Daily News.

ەردوعاننىڭ ا ق ش- تا تۇرىك دياسپوراسىمەن كەزدەسۋى بارىسىندا ونىڭ قارسىلاستارىنىڭ ءبىرى: «لاڭكەس!»، «كەت مەنىڭ ەلىمنەن!» دەپ ايعايلادى. تاعى ءبىر ەر كىسى كۇردىستان جۇمىسشىلار پارتياسىنىڭ جالاۋىن الىپ شىقتى.
تۇرىك كوشباسشىسىنىڭ جاقتاستارى ولارعا قارسى تەز ارادا جاۋاپ قاتىپ ۇلگەردى. وسىدان كەيىن ەكى جاقتىڭ اراسىندا توبەلەس باستالىپ كەتتى.
ابىروي بولعاندا، كۇزەتشىلەر دەر كەزىندە شارا قابىلداپ، ەكى ەر كىسىنى دە ۇستاپ الىپ، زالدان الىپ شىقتى.
ەردوعان ا ق ش- قا ب ۇ ۇ باس اسسامبلەياسىنىڭ 72- سەسسياسىنا قاتىسۋعا كەلگەن بولاتىن.