11:30, 20 - قىركۇيەك 2017 | GMT +6
ءۇش دۇركىن «قازاقستان بارىسى» اتانعان بەيبىت ىستىبايەۆ جاڭا قىزمەتكە تاعايىندالدى
استانا. قازاقپارات - ءۇش دۇركىن «قازاقستان بارىسى» اتانعان بەيبىت ىستىبايەۆ جاڭا قىزمەتكە تاعايىندالدى، دەپ حابارلايدى قازاقپارات ءتىلشىسى.
ەندى قازاق كۇرەسىنىڭ كورىگىن قىزدىرىپ جۇرگەن داڭقتى بالۋان «جەكپە-جەك كاسىپقوي سپورت كلۋبى» مەملەكەتتىك كوممۋنالدىق كاسىپورنىن باسقارادى.
بۇل تۋرالى جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسى ءمالىم ەتتى.
بەيبىت ىستىبايەۆ جامبىل وبلىسى تالاس اۋدانىنىڭ بولتىرىك اۋىلىندا 1985-جىلى دۇنيەگە كەلگەن. 2012، 2015 جانە 2016-جىلدارى «قازاقستان بارىسى» تۋرنيرىندە توپ جارىپ، ءۇش مارتە «بارىس» اتانعان جالعىز بالۋان.
سونداي-اق، «ەۋرازيا بارىسىنىڭ» جەڭىمپازى. قازاق كۇرەسىنەن حالىقارالىق دارەجەدەگى سپورت شەبەرى.
اۆتور: كۇنسۇلتان وتارباي
