شىعىس مەديتسيناسىنىڭ قۇندى كەڭەستەرى

استانا. قازاقپارات - بۇل قۇندى جازباعا قاراپ شىعىس مەديتسيناسىنىڭ نەگىزى ءناپسىنى تيۋ مەن اقىلدى ءبىرىنشى ورىنعا قويۋدان باستالاتىنىن كورۋگە بولادى ەكەن.

قايعىرۋ، اشۋلانۋ، جىلاۋ، كۇيگەلەكتەنۋ، ىشكى اعزالار ۋ بولەدى، ال ادام ءوزىن باقىتتى سەزىنە السا، كۇلىپ جۇرسە، جىلى جىميسا، بال سەكىلدى ەمدىك سۇيىقتىق بولەدى ەكەن. قىسقاسى شىعىس مەديتسيناسى جاندى ەمدەۋمەن قۋاتتانادى.

1. ءاردايىم جانارىڭىز جايناپ، كوزىڭىز وت شاشىپ، جىلى جىميىپ، جۇرەگىڭىزدى مەيىرىمگە تولتىرىپ ءجۇرىڭىز. بۇل ارەكەت ءاربىر دەرتكە تاپتىرماس داۋا.

- قايعىرساڭىز، اشۋلانساڭىز، جىلاساڭىز، كۇيگەلەكتەنسەڭىز، ىشكى اعزالار ۋ بولەدى، ال ادام باقىتتى بولسا، كۇلىپ جۇرسە، جىلى جىميسا، بال سەكىلدى ەمدىك سۇيىقتىق بولەدى.

- بۇگىنگى تاڭدا اپىل-عۇپىل، اسىعىس ءومىر سۇرەتىنىمىز راس. كوپتەگەن ادام جۇمىستان باسى اۋىرىپ شىعادى. قان قىسىمى كوتەرىلىپ، اينالاداعى قىسىم دا ۇدەي بەرەدى. بۇنى وزگەرتۋ كەرەك.

- ءبىر قىزىعى نە ىستەۋ كەرەك دەگەندە -  ەشتەڭە ىستەمەۋ كەرەكتىگى ايتىلادى. باسىڭا كۇن تۋعاندا سول قيىن جاعدايدىڭ جەتەگىندە كەتپەۋدى ۇيرەنۋ كەرەك.

- ول ءۇشىن كۇلىپ ءجۇرۋ كەرەك. كۇلىپ جۇرگەن ادامنىڭ جان دۇنيەسى تەز وزگەرەدى. ءتونىپ تۇرعان قاۋىپ تەز سەيىلەدى.

- ىشكى جىميىستىڭ، كۇلكىنىڭ ناتيجەسىن باعالاۋ باستاپقىدا قيىن بولىپ كورىنەدى. ال، ونىڭ تەحنيكاسىن تۇتاس ءارى دۇرىس مەڭگەرگەن ادام ۋاقىت وتە كەلە كوپ جەتىستىككە جەتەدى. كۇلكى ادام ءومىرىنىڭ اجىراماس بولىگىنە اينالادى.

- قايدا جۇرسەڭ دە، وتىرساڭ دا، تۇرساڭ دا -  جىميىپ ءجۇر. جۇرەگىڭدى ماحابباتقا بولە. سوندا ماحاببات تولقىندارى تانىڭىزگە يەلىك ەتەدى.

- قاراپايىم ءارى پايدالى ءادىس. جۇرەگىڭ تەك سابىر مەن ماحابباتتىڭ بەسىگىنە اينالسىن. ءجيى- ءجيى كۇلىمسىرە. سوندا بارلىق قيىندىق كۇن استىندا قالعان مۇز قۇساپ ەرىپ كەتەدى.

2. از سويلە

از- ازدان سويلە... نەنى، قاشان ايتۋ كەرەكتىگىن ناقتى تاڭداپ سويلە. ۇتىمدى ايتىلعان ءسوز - وتە باعالى، دەگەنمەن ۇنسىزدىك تسي قۋاتىن ساقتايدى.

3. مازاسىزدانبا جانە كوپ قيمىلدا

- وتكەن مەن ەرتەڭدى ازدان ويلا. سەبەبى، ونىڭ ءبارى مازاسىزدىق تۋدىراتىن بەكەر ويلار. مازاسىزدىق كۇيزەلىسكە جەتەلەيدى.

- ونىڭ ورنىنا زەيىنىڭدى تۇراقتى ۇستا. شاماڭ جەتكەنشە تۇراقتى بول. زەيىندى تۇراقتى ەتۋدىڭ قيىن ەرەجەسى جوق. تەك كومەك قولىن سوزىپ، كەشىرىمدى بولساڭ بولعانى.

4. اقىلىڭدى جەتىلدىر

- داوس تەحنيكاسى اقىلدى جانە جاقسىلىقتى قابىلداۋدى جەتىلدىرەدى.

- كوپتەگەن شىعىس تىلدەرىندە، ونىڭ ىشىندە قىتاي تىلىندە دە «اقىل» مەن «جۇرەك» ءبىر سوزبەن ايتىلادى.

- جەكە باستىڭ مەنمەندىگى باسىلعان كەزدە ادام جۇرەك قۋاتىن جەتىلدىرە الادى. سوندا دەرتتەن ارىلاتىن جول تابىلادى.

- ەگەر ناۋقاس بولىپ مەديتاتسيا جاسايتىن بولساڭ، ونى اۋرۋدان ارىلۋ ءۇشىن جاساپ جاتىرمىن دەپ ويلاما. تەك جاتتىعۋ جاساۋعا باسا نازار ءتۇسىر. قالعانى وزدىگىنشە جۇرەدى.

5. ناپسىگە يە بول، ونىڭ جەتەگىندە كەتپە

- جىنىستىق قاتىناستى شەكتە. ۇرىقتىڭ تىم ءجيى شاشىلۋى تسي قۋاتىن السىرەتەدى. زەيىندى بولۋعا زيانىن تيگىزەدى.

- كوز، قۇلاق، اۋىز، مۇرىن، ياعني سەزىم مۇشەلەرىنىڭ سەزگەنىنەن اقىل شابىتتانادى.

- جاس كۇنىڭدە ءناپسىنى وياتاتىن كىتاپتاردى وقىعان كەزدە قۋاتىڭدى سارقىپ الماۋ دەگەن ۇعىمدى ءالى تۇسىنبەيسىڭ. سوندىقتان كۇندەلىكتى قاجەت ساباقتى وقىپ، تىم ەرتە جاستان ءناپسىنى قوزدىراتىن كىتاپتاردى وقىماعان ءجون.

6. باسىڭدى قۇرمەتتە. اياعىڭدى جىلى ۇستا

- باسىڭا ۇلكەن قۇرمەتپەن قارا. سەنىڭ باسىڭ قۇداي مەن اقىلدىڭ ورداسى دەپ ءبىل. جاننىڭ عيباداتحاناسى دەپ باعالا. ول كۇللى ومىرلىك ماڭىزى زور مۇشەلەردى باسقارۋشى.

- مۇقيات ساقتايتىن ەرەجە بار: «باسىڭدى سۋىقتا ۇستا، اياعىڭدى جىلى ۇستا». وسىلاي ەتسەڭ، باسىڭداعى قۋاتتىڭ شەكتەن تىس ارتىپ كەتۋىن تەجەيسىڭ. تەجەمەگەن ادام اۋىرىپ قالۋى مۇمكىن.

- باسىڭا كوپ قۋات باراتىن بولسا، قان قىسىمى جوعارىلاپ كەتەدى. قۋاتتى تابانعا جيناقتاپ، ادام قان قىسىمىن تومەندەتە الادى. اياعىن جىلى ۇستاعان ادام جۇرەك تالماسىنىڭ الدىن الادى.

- سوندىقتان تابانىڭدى جىلى ۇستا. سودان كەيىن قۋاتتىڭ ءبارىن كىندىكتە ۇستاپ ۇيرەن. كىندىكتى دە جىلى ۇستايدى. اشىپ جۇرۋگە بولمايدى.

 

دەرەككوزى: islam.kz