18:34, 15 - قىركۇيەك 2017 | GMT +5
گولوۆكين جانە الۆارەس بەينەسى تاڭبالانعان ونىمدەر لاس-ۆەگاستا تانىمالدىلىققا يە
استانا. قازاقپارات - قازاقستاندىق «GGG» گولوۆكين مەن مەكسيكالىق بوكسشى ساۋل «كانەلو» الۆارەس اراسىنداعى ايقاس قارساڭىندا امەريكانىڭ لاس-ۆەگاس قالاسىنىڭ تۇرعىندارى «عاسىر جەكپە-جەگىنەن» دامەلى، دەپ حابارلايدى «قازاقپارات» ح ا ا ءتىلشىسى.
«قىلمىس قالاسى» ءبىراز ۋاقىتقا قاسيەتتى بوكس قالاسىنا اينالىپ، قادام باسقان سايىن گولوۆكين مەن الۆارەستىڭ فوتوسۋرەتى بەينەلەنگەن فۋتبولكالار، بەيسبولكالار جانە باسقا دا كيىمدەردەن اياق الىپ جۇرە المايسىڭ. ساۋدا ورىندارىنىڭ ءبىرىنىڭ ساتۋشىسىنىڭ ايتۋىنشا، ەكى بوكسشىنىڭ ەسىمى مەن بەينەسى بەينەلەنگەن تاۋارلار وسى كۇندەرى جوعارى تانىمالدىلىققا يە بولىپ، جاقسى ساۋدالانىپ جاتىر.
ايتا كەتەيىك، گەنناديي «GGG» گولوۆكين مەن ساۋل «كانەلو» الۆارەس جەكپە-جەگى 17- قىركۇيەك كۇنى لاس-ۆەگاستا وتەدى.
