الەم قازاق جاستارى اراسىندا اۋقىمدى فۋتبول باسەكەسى وتەدى
ءال- فارابي اتىنداعى قازۇۋ- دىڭ سپورت كەشەنىندە وتەتىن شارانى «ەر جانىبەك» حالىقارالىق قوعامدىق قورى ۇيىمداستىرىپ وتىر. بيىلعى جىلعى دۇنيەءجۇزى قازاق جاستارى اراسىندا وتەتىن شاعىن فۋتبولدان ءداستۇرلى «ER JANIBEK CUP» حالىقارالىق تۋرنيرى بار ءومىرىن قازاق ادەبيەتىن زەرتتەۋ مەن الاش ارىستارىن جوقتاۋعا ارناعان عالىم تۇرسىنبەك كاكىشيەۆتىڭ 90 جىلدىعىندا ارنالماق.
ۇيمداستىرۋشىلاردىڭ ايتۋىنشا، شاعىن فۋتبولدان وتەتىن تۋرنيردىڭ ماقساتى - دۇنيەنىڭ ءتورت بۇرىشىندا جۇرگەن قازاق جاستارىنىڭ ءوزارا جاقىن قارىم- قاتىناس ورناتۋىنا ۇلەس قوسۋ جانە ولاردىڭ وتانى قازاقستانعا دەگەن سۇيىسپەنشىلىگىن ەسەلەي ءتۇسۋ.
جۇلدە قورى 2 ميلليون تەڭگە بولاتىن تۋرنيرگە فرانسيا، گەرمانيا، تۇركيا، يران، رەسەي، موڭعوليا، قىتاي جانە وزبەكستاندا تۇراتىن قانداستارىمىز جانە ەلىمىزدىڭ ءار وبلىسىنان قازاق جاستارى قاتىسادى.
اۆتور: باقىتجول كاكەش
