19:13, 14 - قىركۇيەك 2017 | GMT +6
پرەزيدەنتتى شىعارىپ سالار كەزدە اۋەجاي باسشىسى قازا تاپتى
استانا. قازاقپارات - حوروگا قالاسىنىڭ اۋەجاي باسشىسى تاجىكستان پرەزيدەنتى ەمومالي راحموندى دارۆاز اۋدانىنان دۋشانبەگە شىعارىپ سالىپ جاتقان كەزدە قاتتى جاراقات الىپ، قازا تاپتى.
60 جاستاعى ديلدور ماكسۋدشويەۆ پرەزيدەنت تىكۇشاعى اۋەگە كوتەرىلىپ جاتقان كەزدە وعان وتە جاقىن تۇرعان.
تىكۇشاقتىڭ ەبەلەكتەرى (ۆينت - اۆت.) اينالىپ ۇيىتقىعان جەل ماكسۋدشويەۆ تۇرعان كىلەمدى اۋدارىپ تاستاعان. كىلەمگە ورالىپ قالعان اۋەجاي باسشىسى دومالاپ بارىپ سول ماڭدا جاتقان ۇلكەن تاسقا سوعىلعان.
ديلدور ماكسۋدشويەۆ باسىنان قاتتى سوققى الىپ، اۋرۋحاناعا بارا جاتقان جولدا قازا تاپتى. قۇقىق قورعاۋ ورگاندارى بولعان جاعدايدى كەزدەيسوق قايعىلى وقيعا دەپ وتىر.
