وزبەكستان تاجىريبەسى: لاتىن ءالىپبيى ارقىلى شەتەلدەگى قانداستارمەن بايلانىس نىعايدى
«قازاقتارعا ۇقساس ءبىزدىڭ قانداستارىمىز دا شەت ەلدەردە تۇرادى. ماسەلەن، تۇركيادا 500 مىڭداي، اۋعانستاندا 3 ميلليوننان استام، قىتايدا جانە امەريكادا دا وزبەكتەر بار. ولار ءۇشىن دە لاتىن ءالىپبيى وقۋ وڭاي بولىپ، اراداعى بايلانىس جاقساردى. سوندىقتان قازاقستان رەسپۋبليكاسىندا دا لاتىن ءارپى ارقىلى قانداستارمەن بايلانىستى نىعايتۋعا، ولاردى وتانعا تارتۋعا ىقپالى زور بولادى»، - دەيدى اقپاراتتىق پورتالىنىڭ رەداكتورى.
داۆرانبەك توجياليەۆتىڭ ايتۋىنشا، لاتىن ءالىپبيى كوشۋ بىرنەشە جىلعا سوزىلۋى مۇمكىن. وسىنداي دايىندىقتاردىڭ ارقاسىندا كەيىن قالىپتى دەڭگەيگە ءتۇسىپ كەتەدى. ماسەلەن، وزبەك ەلى لاتىن ارپىنە كوشۋدى 1995 -جىلدان باستاعان.
«باستاپقى كەزدە مەكتەپتەردە لاتىن جازۋىن ۇيرەتىپ، سىنىپتاردا قوسىمشا ءدارىس رەتىندە وتكىزىلدى. كەيىن 15 جىل دايىندىق جۇمىستارىن جۇرگىزىپ، 2005 -جىلى كوشتى. باسىندا ءبارىمىز دە قابىلداي الماعان ەدىك. الدىڭعى كيريلليتساداعى كىتاپتار نە بولادى دەپ ۋايىمدادىق. كەيىن ول قيىندىقتار دا ارتتا قالدى. تەحنولوگيا دامىپ، ەسكى كىتاپتاردىڭ باسىم كوپشىلىگى لاتىنعا اۋدارىلدى. قازىر ءبارى رەسمي تۇردە لاتىن الىپبيىنە كوشىرىلگەنىمەن كيريلليتسانى دا پايدالانادى»، - دەيدى داۆرانبەك توجياليەۆ.
اۆتور: اينۇر اقبايەۆا
