قۋات حاميتوۆ ارمان وسپانوۆتى جەڭگەن برازيليالىقتان كەك الماق

استانا. قازاقپارات - قازاقستاندىق ارالاس جەكپە-جەك شەبەرى قۋات حاميتوۆ وتانداسى ارمان وسپانوۆتىڭ (8-1) برازيليالىق تياگو لۋيس بونيفاسيو سيلۆادان (13-5) جەڭىلىپ قالعانىنا ىزالى.

«ەكى اپتا بۇرىن جەرگىلىكتى ۇيىمداستىرۋشىلار ماعان قازاقستاندا ايقاس وتكىزۋدى ۇسىندى. مەن وعان اسا قىزىعا قويعان جوقپىن، ءبىراق برازيليالىقتىڭ بۇگىنگى جەڭىسىنەن كەيىن قىزىعا باستادىم جانە جەرلەسىمىزدىڭ كەگىن قايتارۋدى قالايمىن! جەڭىل سالماقتاعى قىتايدىڭ ۇزدىك ارالاس جەكپە-جەك شەبەرىنىڭ ايقاسىن كورسەتەتىن ۋاقىت كەلدى! ۇيىمداستىرۋشىلار، وسى جەكپە-جەكتى ۇيىمداستىرىڭىزدار!» - دەپ جازدى حاميتوۆ Instagram پاراقشاسىندا.

ەسكە سالا كەتەيىك، وسپانوۆ كەشە الماتىدا وتكەن م ما  Absolute Championship Berkut 69 جەكپە-جەك كەشىندە برازيليالىق سيلۆادان جەڭىلىپ قالعان بولاتىن. بۇل ارماننىڭ ءوز مانسابىنداعى العاشقى جەڭىلىسى بولدى.