لوندونداعى كونفەرەنسيادا التايدى الەمگە ايگىلەگەن ءۇش بەلگىنى اتاپ كورسەتتى

وسكەمەن. قازاقپارات - ۇلى بريتانيانىڭ قازاقستانداعى توتەنشە جانە وكىلەتتى ەلشىسى كەرولين براۋن وسكەمەندە وتكەن «التاي - تۇركى الەمىنىڭ التىن بەسىگى» اتتى حالىقارالىق كونفەرەنسيادا التايدى الەمگە ايگىلەگەن ءۇش بەلگىنى اتاپ كورسەتتى، دەپ حابار بەرەدى «قازاقپارات» ح ا ا ءتىلشىسى.

«ەڭ ءبىرىنشى - ونىڭ عاجاپ سۇلۋلىعى. ەكىنشىسى - تۇركىلەردىڭ وسى ايماقتان تاراعاندىعى، ال بۇل ولكەنى الەمگە تانىتقان ءۇشىنشى سەبەپ - التاي ولكەسىندەگى باي ءارى الۋان ءتۇرلى ارحەولوگيالىق ەسكەرتكىشتەر»، دەدى كەرولين براۋن. ەلشى حالىقارالىق كونفەرەنسيانى ۇيىمداستىرۋشىلارعا العىس ءبىلدىرىپ، «مەن كونفەرەنسيا قاتىسۋشىلارىنا كەلەسى اپتادا لوندونداعى بريتانيا مۇراجايىندا ۇلى بريتانياداعى تۇڭعىش سكيف جانە ساق مادەنيەتى مەن ونەرى كورمەسى اشىلاتىنىن جەتكىزۋگە وتە قۋانىشتىمىن»، - دەدى.

ەلشىنىڭ ايتۋىنشا، كورمە ءۇش اي بويى اشىق بولادى جانە التاي مەن شىعىس سىبىردەگى ارحەولوگيا تاريحىنىڭ، مادەنيەتتىڭ حالىقارالىق ءمانىن ارتتىرا تۇسپەك.