داۋرەندى تىزە بۇكتىرگەن وزبەك بالۋانىن ايبەك نۇعىماروۆ «ۇيىنە» قايتاردى

استانا. قازاقپارات - «الەم بارىسىندا» قازاقستاندىق بالۋان داۋرەن نۇرالينوۆتى جەڭگەن وزبەكستاندىق بالۋان مۋحسين حيسوميددينوۆ ايبەك نۇعىماروۆپەن كەزدەسسە، ەلامان ەرعاليەۆ ۋكراينالىق بالۋانمەن كۇش سىناستى، دەپ حابارلايدى «قازاقپارات» ح ا ا ءتىلشىسى.

ايبەك پەن مۋحسيننىڭ كۇرەسى تارتىستى باستالدى. ءتىپتى ءبىرتۇستا وزبەك بالۋانى ايبەكتى ادىسكە سالعانداي كورىنگەن. الايدا تورەشىلەردىڭ شەشىمىمەن مۋحسينگە بۇك ۇپاي بەرىلىپ، كەزدەسۋ ارى قاراي جالعاستى. شىمىر ۇستاسقان قوس بالۋاننىڭ سايىسىندا ايبەك ەسەپتى تەڭەستىرىپ تە الدى.

سايىستىڭ سوڭىنا قاراي تاعى ءبىر ۇپايدى يەلەنگەن ايبەك مۋحسيندى قاپى قالدىرىپ، جارتىلاي فينالعا جولداما الدى.

كەلەسى كەزەكتە قازاقتىڭ تاعى ءبىر مىقتىسى ەلامان ەرعاليەۆ ۋكراينانىڭ مىقتىسى انتون رۋدنيكتىڭ جاۋىرىنىن جەر يىسكەتتى. جارتىلاي فينالدا ەلامان ەرعاليەۆ ايبەك نۇعىماروۆپەن كەزدەسەتىن بولدى.

ەسكە سالا كەتسەك، ەلورداداعى «بارىس ارەنادا» بۇگىن قازاق كۇرەسىنەن «الەم بارىسى» دوداسى ءوتىپ جاتىر.

تارتىستى باسەكەدە قازاقستاننىڭ ءبىر بالۋانى داۋرەن نۇرالينوۆ جارىستان شىعىپ قالدى. ال قالعان ءتورت بالۋان ەرجانشىنكەيەۆ، ەلامان ەرعاليەۆ، ايبات سەيتەن سۇرىنبەي كەلەدى.

اۆتور: ايان بەكەن ۇلى